آلمدونة لـ // كل التخصصآت
آلمهم قيموآ كل الدكآترة آللي جربتوهم ولو سمحتوآ شرح وآفي يآ معلّمآت المستقبل
يعني درجآته ؟ أسلوبه ؟ طريقة اختبآرآته ؟ توزيع الدرجآت ؟ الحضور وآلغيآب ؟
وبدووووون تجريح بليز أقصد سب
ان شآلله هـ آلمدونة بـ تفيد الكثير انشروهآآ
بنآت أدري منتوآ مقصرين ندآء للجميع لآ تخلووونّآ عفية قيموآ بضمير
•● تقييم دكآترة كليّة التربية الأسآسيّة }- 
حيآكم آلله بنآت كل وحدة ترررررد بآسهآب ~
دكتور : مدالله سويدآن العنزي
مناهج بحث
امتحان 15 درجه
بحث : 25 درجه
حظور : 10 درجات
حلو شرحه … ملتزم بالمحاضرات والساعات المكتبيه .. يراعي الظروف ..
من أحسن الدكاترة الي اخذت عندهم ((غانم الشاهين –ناصر المويزري –شافي مجبوب–فوزي بوفرسن–سليمان الحسن –عادل زيتون –محمد المغربي رووووعه–منى القناعي–أحمد مندني))
الدكاترة الي كلش ماانصح فيهم ((سميرة المذكوري–منى المسلم–سعد الرشيدي — شكري ابراهيم))
بصراحه ماندري شنسوي بدونج يا مطمط انتي صوووت بنات الكليه
مشكوووره ويعطيج الف عافيه
فديتج
انا بصراحه بسأل عن ابراهيم فريدوون ود الرجيب و احمد اللوغاني وبثينه النجدي
وان شاءالله راح اقيم الدكاتره الي اعرفهم
وثانكس اجين
thnx again sweety
مآسووووووويت شي وبلآ تفآعلكم هالمدونة مآلهآ اي معنى
فريدون ممتآز
الرجيب محد مدحه !
اللوغآني يقولون زين بس يكدشكم عالنت كل يوم تكليف وترسلونه عالايميل
بثينة مآعرفها !
فديتكم مآقصرتوآ بآنتظآر البآقي ~
OOoo قسم التربية الإسلامية ooOO
*د. عبد الرؤوف الكمالي <<< فقه <ممتاز
الشرح < حلو مفهوم يوصل المعلومة للبنات عدل بس أكتبوا معاه
الامتحانات <المتوسطة يطلب بحث سهل عليه درجات يفيد حيل البحث
الغياب< مو مهم حيل عنده بس لا توصلون للحرمان
*د. بدر الرميضي <<تجويد < ممتاز
طريقته < تسميع أول بأول يعني لازم كل محاضرة نسمع الجزء المحاضرة إلي طافت
الغياب < مهم عليه درجات
الامتحانات < الميدتيرم 4 شفويه و سهله و الفاينل نظري و بعد سهل طبعا مع امتحان اللجنه
*د. خالد العدواني << عقيدة و سيرة
الشرح < مو ذاك الزود
الغياب < يحاسب على الغياب و التأخير
الامتحانات < امتحانين الميدتيرم أسئلته مباشر بس لازم تشرحين ما تخلين شي ما تذكرينه
لازم بحث بخط اليد
*د. بدر الماص << الإسلام و قضايا العصر
أسلوبه < عصبي و شوي أسلوبه لكم عليه
امتحاناته < سهله بس الفاينل شوي أصعب من الميدتيرم
الغياب < يحاسب على الغياب
*د. اسامة عبد الرحيم الكندري << الحديث < ممتاز
أسلوبه < يجنن يحترم الطالبة و كنه أبوج
الشرح < ممتاز بس أكتبي معاه كا شي لأنه يجي بالامتحان
الامتحانات < امتحاناته متوسطة بس يحب الشرح ما يحب الإختصار
*د. يحي إسماعيل حبلوش <السنة و علومها
أسلوبه و شرحه < زين
امتحاناته < أسئلة سهله بس يحب أجوبه طويله و أدلة و شرح
يطلب حفظ سورة
*د. محمد الحضرم < أحوال شخصية
شرحه < ما يشرح عدل بس المادة سهله
الامتحان < سهل بس إلتزمي بالي يقوله أنه بالامتحان و يحب الأدلة و الأمثلة ما تخلين شي
و دكتور يساعد
الغياب < مو مهم عنده
*ا.عبدالله الليفان < علوم قرآن بس بصيفي < ممتاز
شرحه < حلوه محاضرته مرح يفهم
أسلوبه < محترم مع البنات حقاني ما يزيد و لا ينقص
الغياب < مهم لازم ياخذ غياب
امتحاناته < امتحان ميدتيرم واحد يضربه بثنين و فيه له اعادة
الفاينل سهل بس ادرسوا عدل للامتحان
*د.خالد الصافي < آيات الأحاديث و الأحكام < المادة اختيارية لا تاخذونه أخذوا
عنده عقوبات بالإسلام أحسن
شرحه < روعه حده يفهم
الغياب < مرات ياخذ الغياب و مرات لأ
الامتحانات < الميدتيرم أعتقد واحد بس سهل
الفاينل ما يجيب إلي حطه بالميدتيرم و ما يخلي شي من دروس ما يجيب منه سؤال
هذا في أيات الأحكام
OOoo قسم اللغة العربية ooOO
*د. خالد جمعه << تدريبات لغويه
الغياب < يحاسب على الغياب و التأخير ما يحب إلي تغيب و تتأخر
شرحه < يجنن و يفهم و يأسس عدل
أسلوبه < زين و غشمرجي
امتحانه < شوي فيها صعوبه
*د.يحي مير علم << نحو و قواعد الكتابة < ممتاز
أسلوبه < راقي و مثقف و يحترم الطالبة
الغياب < ما يهمه ما عليه درجات بس لا توصلين للحرمان
شرحه < يوصل المعلومه و شرحه مفهوم و بسيط بس لازم تكتبين كل شي يقوله
الامتحانات < سهله كله من إلي قاله بالمحاضرة بس لازم تذكرين السؤال كامل
ما تنسين الأمثلة
*د. محمود الصغير << نحو
شرحه < ما يشرح عدل ما أحس إن المعلومه أوصلت
الغياب < يحاسب على الغياب و التأخير
امتحاناته < يحب الشرح الواجد مع الأمثلة بس إلي تحب
تحفظ تمشي مع الدكتور .
*ا. حمود العنزي << خط محتكرها
شرحه < زين بس سريع يشرح يبي الوحده تكون مركزه
الغياب < ياخذ غياب و شكله عليه درجات
الأسلوب < لازم تراجعين عنده للتصليح التدريب
حاولوا تتدربون عدل بالبيت
OOoo الإجتماعيات ooOO
*د. سعود العنزي << كويت و تنمية < ممتاز
أسلوبه < حلو ينكت ما يحب أحد يتكلم بالمحاضرة
الغياب < يحسب الغياب و إلي تدخل متأخره غياب يحاسب حيل على الغياب
شرحه < ممتاز و فوق الممتاز تدخل المعلومة عدل و غير هذا ما تملين من المحاضره
و تحسينها بسرعة تخلص و اكتبوا كل إلي يقوله لأنه يجي بالامتحان
امتحاناته < سهله و مباشره بس لا زم تشرحين و تحطين أمثله
OOoo أصول تربية و مناهج ooOO
OOoo أصول تربية ooOO
*د. بدر ملك << أصول تربية و تطور فكر إسلامي< ممتاز
شرحه < حلو تحسينه مثقف و فاهم
أسلوبه < يحترم الطالبة
امتحاناته < سهله بس لازم أمثلة و شرح لازم يجيب سؤال عن التعليقة
*لطيفة الكندري << أصول تربية و تطور فكر إسلامي < ممتازة
شرحها < حلو
أسلوبها < يجنن تهبل الدكتورة روعه
الامتحانات < متوسطة بس لازم الشرح و الأمثلة من الكتاب سهله مو صعبة
*د. أبو بكر عبيد زيدان << تطور فكر تربوي < ممتاز
أسلوبه < محترم مع الطالبات و طيب و يساعد الطالبات
شرحه < يجنن تطلعين من المحاضرة فاهمة عدل
الامتحانات < موضوعية مع عللى و أذكري بس نقاط ما يحب الشرح يحب الاختصار
*د.محمد المأمون << مهارات دراسية < ممتاز
أسلوبه < يحب إن تكون البنت مهتمه بالمادة و تقعد جدام و تناقش
امتحانه الفاينل < مواقف تربوية مع رسم المضلعات إلي يعطيها بالكورس و أسئلة من الكتاب بس مو واجد
و أسئلة تعتمد على الفهم رأيج بالمقرر و الكتاب و الدكتور
OOoo مناهج و طرق تدريس ooOO
*د. فهد اللميع << طرق تدريس إسلامية < ممتاز
شرحه < حلو و هادي
امتحاناته < ميدتيرم سهله حدها لكن الفاينل يبيله حفظ بس بيكون مباشر
يطلب منج تشريحين و عليه عشرين درجه ما يحرج البنات إلي ما يعرفون يشرحون
بس يقولهم أخطائهم بطريقة حلوه و يساعد بالدرجات
*د. عبيد الشمري << مناهج < ممتاز
شرحه < يعني مو ذاك الزود
أسلوبه < زين مع البنات و حلوه المحاضر يطلب برسينتيشن و تشرحين و يساعد البنات بالدرجات
امتحاناته< سهله بس الفاينل شوي صعب لأنه موضوعي و تحتارين بين الأجوبة
*د. محمد صالح << مناهج بحث
شرحه < للمادة النظرية يعني بس للبحث حلو يشرحه و يفهم شلون تسون بحوث
الغياب < ما أذكر
أسلوبه < زين بالمحاضرة و كله يحسسج أنج أبله ما ينادينا إلا أبلة و أبلات
امتحانات < متوسطة بس الفاينل تقريبا كل المواضيع إلي بالكتاب حاط عليها أسئلة
أسئلته مباشرة
OOoo الإجتماعيات ooOO
*د. سعود العنزي << كويت و تنمية < ممتاز
أسلوبه < حلو ينكت ما يحب أحد يتكلم بالمحاضرة
الغياب < يحسب الغياب و إلي تدخل متأخره غياب يحاسب حيل على الغياب
شرحه < ممتاز و فوق الممتاز تدخل المعلومة عدل و غير هذا ما تملين من المحاضره
و تحسينها بسرعة تخلص و اكتبوا كل إلي يقوله لأنه يجي بالامتحان
امتحاناته < سهله و مباشره بس لا زم تشرحين و تحطين أمثله
تم بحمدالله
بنات حاولوا تفيدونا بطريقة الدكتور لأنه كل وحده
بنظرها الدكتور زين لكن طريقته ما تناسب البنت الثانية
حتى نستفيد أكثر يعني من ناحية الغياب و الامتحانات و الأسلوب
والله حدي مستااااااانسه
انا اول تقييم 🙂
كان كتجربه….وطلعت تجربه ناجحه
<< اللي يقول مخترعه الذره الجزء الثاني خخخخخخخخخخخخ
تخصصي اسلامية مساندي كيمياء عربي :
نبدي بالاسلاميه :
1- د.عبدالرؤوف كمالي :
دكتور طيب سهله الماده عنده حيـــــــــــــــــــــــــل
ومتفاهم لابعد الحدود
2- د.زيد الوصيص:منظم …يتبع مع الطالبات بالكتاب
ياخذ من كل صفحه جزئيه معينه
ماتضيعين معاه
بس لازم تحضرين عشان تخططين معاه اللي معاج واللي ملغي
دايما ياخذ خلاصة الموضوع
3- د.محمد الحضرم
طيب .. احيانا يشد ع الطالبات بس بالنهاية يعطيهم درجات ويساعدهم
منهجه خفيف
امتحان الفاينل اسهر من امتحان المدتيرم
متفهم للظروف
4- د.اسامه عبدالرحيم الكندري :
تجنن محاضرته ..يخليج تضحكين تموتين من الضحك ..اهو مايضحك
لان صج كلامه بالواقع
امتحانه من كل شكل ولون موضوعي كل الاشكال ومقالي بعد كل الاشكال
يعني في امتحانه يراهي الفروق الفرديه
امتحان اول 20 امتحان ثاني 20 حظور 10
وحيل طيب
5- د. بدر الرميضي :
طيب يعلم التجويد
بس مو شديد
فالبنات يتساهلون بالدراسه وبالاخير يسقطون باللجنه 😦
وماااااااااااايحب الواسطه مهما كان نوعها خخخخخخخخخ
6- د. نوره المحارب:
امبيه ياقلبي قلبها …قبل سبوها لي وقالوا انها شديده
وماكنت اخذ عندها
بالصيفي اللي طاف حدتني الظروف اخذ عندها
طلعت انسانه ثانيه
تنحط ع الجرح يبرا
طيبـــــــــــه طيبـــــــــــه لابعد الحدود …منهجها سهل
نتمنى ان المحاضره ماتخلص
كلامها حلوووووووووووو ويدخل القلب
وغيرت فينا حيــــل للاحسن
لااااااااااااااااااااااااتطووووووووووفكم
وكل البنات يطلعون عندها امتياز وجيد جدا مرتفع …لانهم حبوها من قلب وادرسوا
ماقول الا :
جزاااااااااااهااا الله خيــــر
7- د. طارق العمر :
احسن دكتور يعلم التجويد
ياسس اللي ماتعرف
ويشد عليها مايهملها ليمن تتعلم
اتقبل النقد .. خخخخخخخخخخخ
ولي عوده ان شاءالله…
السلآم عليكم …
تخصصي اسلآميه ….
عندكم :
1- شكـري ابراهيم ..المآده : عبادات * مدخل الى الفقه * احـوآل * ثقافه
شرحه : ممتآآآآآآز وفوق الممتآز …. بالشرح يدخل لج المعلومه ومآيحتآج الا تراجعينها بالبيت
ويبي امثله وأحآديث حفظ ويحب الي تكتب وايد
أمتحآنآته : هو يحط لكم اسئله للمنهج .. وراح يجيب من هالاسأله ….
درجآته : يحاسب على الغياب …. و مآيظلمج بالعكس يرفع …
2- حســن حـمــــوده …المآده : ثقآفه * عقيده ……
شرحه : الشرح احس انه عآدي … لازم تقعدين قدآم لانج اذا قعدتي ورا راح تنآمين ….
لان سبحآن الله صوته ينوم هههه …
امتحآنآته : سهله وحلوه الاسئله واذا مو عاجبتج درجتج تقدرين تعيدينه وهو يعطي امتحآن واحد عليه 35 درجه ….
الدرجآت : عندكم درجه الامتحآن و15 درجه حضور وغياب وكل مآغبتي يوم 2درجتين 😦 .. مآيسآمح بس حييييييييييييييل حبوب ..
أنصحكم بالعقيده حلو لان الماده صعبه وهو يسهلها …
3- محمد الحضرم ….المآده : ايات واحكآم ……
طريقته : شقول لكم حيييييييييييييييييييل حبووووب و حيييييييييل متسآهل …
عنده امتحانين …من 20 درجه …
مآايحاسب على الحضور والغياب …. يعني 10 درجآت هديه : )
4-د. اينآس المنيس …..المآده : ثقآفه . سنه . حديث ……
طريقتها : شرحها قمه قمه قمه الروووعه … أهم شي انج تنتبهين بالمحآضره وتكتبين وراها …
الامتحآن : حييييييييييل سهل ورووووعه …
الدرجآت : تحآسب على الحضور والغياب وكل تأخيرين بغياب ….
حبوووووووووووووووووووبه هالمره والله حبيتها حييييييييييل متواضعه …..
لي عوده …………….!!
مبارك الذروه >> ممتـاز ، امتحانات كميـه حلوهـ و ساعات يعطينا كميه كبيره بس وايد محذوف
خوش دكتور أحسن دكتور مر علي بحياتي شرحه واييد حلووو و اسلووبه أيـنن ،، إنسان راقي جداً
حسين الهدبه > ممتـاز , أيييييييينن ماعليه كلااام كلششش .. خوش دكتور كل شي سهل و حلو عنده وأسلوبه واييد حلـوو و مؤدب و محتررم و يعطي A
فتحي عبده > ويـع مليـق بصراحه ماحبيـته كنت ماخذه (لغه عربيه) عنده و سقطت وايد فوق ال 8 بنات ..
سالم خداده > مادري شقول عن هالدكتور غريب مره زين مره مو زين
بخيييييييييييييييييل بالدرجاات بخييييييييييييييل مايعطي حتى ربع درجه كلش مايعطي
يسقط و اهو مغمض لو الشعبه كلها مايهمـه و كله يعطينا شغلات دسمه (علم عروض و قافيه) جنه احنا متخصصصين حيييل فييهاا مفروض يساعد بدال مايزييد !!!
وليد البذال…ثقافة اسلامية رهيييييب شرحه مبسط واسلوبه حلو و يرفع بالقريدات النهائية اذا احد كلمه بس مشكلته اختباراته فيها صعوبه و ما يعجبه اي حل
فاطمة العازمي.. تدريبات لغوية…عسوله منهج سهللللللللللل و محاضرات مهضومة و ما تهتم للغياب امتحانات متكررة على كيف كيفكم
حسين الهدبا …. أصول… منهجه سهل محاضراته مهضومة وايد يلغي بس مشكلته امتحانه مثلاً اذا من اربعين يعطيج اربعين سؤال صح و خطأ<< مو كل البنات تناسبهم هالطريقة
مها الغنام…كويت و التنمية….اسلوبها حلو بس وايد تحب البنات اللي يتفلسفون ما تحب احد ساكت و يهمها الغياب و الدرجات بالملي
عباس الحداد…قراءات و أساليب……….مرعب محاضرته ودج تبجين من الصمت و الرهبة بس امتحاناته سهله و من نفسه آخر شي يعطي درجات بس اذا احد كلمه عنده عادي يزفه
فتحي عبده…قراءات محاضرة ممله و منهج صعب و امتحاناته موسهله وايدبس يعطي درجات شوي
تغريد الرفاعي..منتدبه ..تعطي مدخل الى علم النفس..امتحاناتهاسهله طفارتها الغياب تحب احد يمدح فيها 24ساعة اسلوبها مو حلو مع البنات تحسينها طول المحاضرة متوترة و مرتبكة و متحفزة بس ناطره تخانق احد ما تعطي درجات بحجة ان كفاية عليكم الامتحان سهل
في شرح اكثر من جذي؟؟ يلا عاد ادعوا لي بليز
رجعت لكم :
قسم المناهج واصول التربيه
1- د. مدالله سويدان العنزي :
اخذت عنده مادة مناهج البحث
وكتبت لكم توزيع درجاته
الماده سهله حيل عنده
ويمشي بالبحث على شكل خطوات
لمن تخلصين جزئيه تعطينه يراجعها ويعلمج شنو الخطأ
اللي ماتغيب حيـــل يراعيها بالدرجات
امتحانه اختيار من متعدد
واسئلة تتعلق بالنقاط الرئيسيه والمميزه بكل درس
وحيل يساعد ومتفهم للظروف
ياليتهم كلهم يصيرون مثله بس مستحيل ……….
الله يجزااااااه خير 🙂
2- د. جوهرة المحيلاني :
يالبى قلبها احبها واموووووووووووووت فيها
اخذت عندها مادتين : المنهج التربوي وطرق تدريس اسلاميه
وكلهم امتياز الحمدلله
تجنن تجنن
طق عصي عليها 🙂
3- د. عبيد الشمري :
حيــــــــــــــل يمدحونه رفيجاتي
4- د. بدر المحيلبي :
مشاءالله عليه
حلو شرحه وكميته شويه حيـــــــل
ويخطط معاكم شنو المطلوب من الكتاب
ودرجاته حلوه وتوب
امممم
لمن اتذكر ارجع 🙂
ما اعرف احد
مد الله سويدان العنزي <<<< يكفيج شوفة طوله فديت زوله
هههههههههههههههههههههههههههه مآذبحج آلآ الزول
مد آلله حيل حيل حيل زين آلله يوفقه من حيث مآلقى وجهه
بس ترآ زوله حلو بالنظآرة الشمسيّة وإذآ قطهآ عآدي جدآ
<< مركززززة بـ كل الأحوآل هههههههههههههه
يسلموووووووووووووو يالغاليه
ابي خالد الصافي…؟
وراشد الجرااادى..؟
وطارق المسعود..؟
وعبدالمرضي الزاايد؟؟
هلآ غموض
خآلد الصآفي ممتآز
جرآدي مآيمدحونه أنصحج بـ عآدل الصرآف أو عآيشة الأنصآري
طآرق سمعت فيه بس مآدري زين مو زين ؟
عبدالمرضي زآيد يمدحونه بس الأفضل للـ حضآرة العربية الاسلآمية زيتون بلآ منآزع !
الله يجزاكم خير يااا بنااااااااات كليتي والله حبيتها من تجمعناااا بالكوتياات
بمآ أن هذي سنة 4 لي فالكلية فيه دكآترة رآحوآ تقآعدوآ وللأسف الدكآترة اللي رآحوآ من أحسن الدكآترة أحبهم يآنآس
بقولكم عن اللي رآحوآ لمجرد الذكر فقط ولأحفظهآ للتآريخ :p <<<<<<< تحب تقرقر هههههههههههه
آللغــــــة آلعربيــة
النقد أخذته عند محمد موسى الشهير بصدآم حسين ورآح وأنصحكم تآخذونهآ عند عبدالنآصر ونآوسة أعيد المآدة ان شآلله
قرآءآت وأسآليب + القصة عند السعيد عبدالله حبيب الجمآهير يالبى روحه وقلبه وعمره وشيبآته وهـ وهـ وهـ
سالم خدادة : روعة روعة روعة روعة أحضروآ المحآضرآت عنده أول بأول وانتبهوآ وشآركوآ ونآقشوآ تفهمون آنآ جربت كلآ الحآلتين عنده مرة مجتهدة ومرة مهملة لمآ كنت مجتهدة بمآدة العروض واللي تقول عن المآدة صعبة أكيد مآكآنت تدرس مووووو طبيعي هالدكتور وأخذت عنده بلآغة ولآ كنت أدرس ومستهينة بالمآدة وزفت محد يسقط عنده اللي تسقط صدقووني فآآآشلة وأفشل من الفشل اختبآرآته فيه شوآهد شعرية ضروري هالأمر بكل موآد اللغة العربية مع تعآريف الموآد عنده متعة جد لأنه دكتور بمآ تحمله الكلمة من معنى محآضرته جنآن يدخلنآ جو باللغة العربية شعر والله لمآ يقول شعر له تحطييييييم بنآت آنآ أحب هالدكتور مسميته أبو لكل طآلبة فعلآ يستآهل هالكلمة الله يكثر من أمثآله حيل متسآمح ومتسآهل طبعآ مو بالدرجآت بس يرآعي حيييييييل طريقته يعطي اختبآرين ميد تيرم على كل اختبآر 20 درجة والـ 10 البآقية بين حضورة وشآكرة والفآينل بالتأكيد 50 درجة .
محمد نعنآع : مآودي أظلم الدكتور آنآ كنت مهملة عنده كنت مآخذة أدب جآهلي وسقطت بس اللي أقدر أقوله وآنآ متأكدة منه مآكو أسلوب هالدكتور يقولون تغير ، ترآ امتحآنآته سهلة ويعطي اختبآرين 20 ، 20 ، 10 على البحث ، 50 الفآينل ، اللي استفدته أن بالدرآسة كل شي ممكن يصير بتصير لكم معجزآت صدقوني بس إذآ درستوآ من قلب مآقول 24 سآعة درآسة لآ بس مآتصيرون مهملين .
عبآس الحدآد : هالدكتور ودج تآخذين أي مآدة عنده بس بكورس لحآله شنو متطلب شنو زعوووووول يعني عبآله مآعندنآ موآد غير مآدته يعطي أدب جآهلي أموي عبآسي + نقد
أخذت عنده جآهلي + أموي جبت درجة زينة عنده بالجآهلي والأموي لكن كنت أقدر أجيب أكثر لولآ أنه متطلب بحث وبأسلوبج تسميع أكثر من 50 بيت شفهي أمآ الامتحآن مآدري شلون درسته كله يزعل علينآ ويطلع واحنآ ضآيعين بالطووشة امتحآنه سهل اللي بتآخذ عمده تدلع هالدب هههههههههههههههه اختبآره وآحد فقط عليه 30 درجة والبآقي بحث وتسميع والفآينل 50 درجة اي ترآ اختبآره متنوع مقآلي موضوعي وشي غريب بتنجون من الموضوعي والمقآلي بيصير عندكم مثل شرب المآي اي صج ترآ يحذف اللي اختبرتوآ فيه بالميدتيرم مآيدش بالفآينل .
حمود العنزي : مع الأسف أنه محتكر مآدة الخط العربي ! ، مآعلينآ بقولكم عنه أهم شي تورينه خطج أول بأول عشآن يحفظ خشتج ويعطيج درجة زينة والله جبت بالاختبآر الأول 19 والثآني 17 عطآني c يله مآعليه شنسوي بعد ؟ المهم تعلموآ تمسكون القلم عدل عنده والمآدة سهلة وبالتوفيق .
خآلد جمعة : شكثر سبوه بس والله مو على الكلآم ينقآل بحقه كنت مزفتة عنده ليش أني طنشت باختبآره كآن عندي اختبآرين هههههههههههههه وكل يوم يقول وين فلآنة وآنآ أتخشش آخر شي قآلي شدي حيلج والكحيلة تشهد والله جبت درجة حلوة امتحآنه حلو ومو صعب حتى يغشش بالاختبآر على أنه يفهم مآيخليج تطلعين من المحآضرة اللي وأنتي فآهمة صج يتنطط وآنآ الرجل الأنآني بس عجيب عجيب ان شآلله بدور لكم اختبآرآتي وبحطهآ لكم لآ تستهينون بالمآدة حلوة وخفيفة ولطيفة وبتجيبون فيهآ درجآت بس أدرسووووووآآآ ، اختبآر الميدتيرم الثآني تدش معآه كمية الميدتيرم الأول لآ تخآفون والله هالشي يسآعدج الحين وبالفآينل .
الهآم المفتي : هذي رئيسة قسم اللغة العربية صج لسآنهآ متبري منهآ بس اختبآرآتهآ موو صعبة بس افهموآ طريقتهآ لمآ تقولج اكتبي 5 سطور أكتبي 5 سطور فقط فقط فقط وإلآ تنقصيييييين تعلموآ تختصرون عندهآ لمآ تقولج تحدثي بإسهآب وتعطيج سبيس كبر البرآحة عبــــري
اختبآرهآ متنوع مقآلي موضوعي 20 / 20 تدبل لج الدرجة الثآنية في حىل كآنت أعلى من الأولى بمعنى لو كنتي مزفتة بالاختبآر الأول وجبتي درجة زينة بالثآني تدبل لج درجة الاختبآر الثآني ، أمآ اللي تزفت بالثآني مآتدب لهآ كللش ، احفطوآ الشوآهد ومعآني الأبيآت وبتمشون صفقة لرئيسة القسم هههههههههههههههههه .
عآيشة الأنصآري : لك تأبش ألبي مس فرسآتشي لو تطآوعني وتعتق هالقميص هههههههههههههه تعطي نحو وتدريبآت لغوية ، اختبآرهآ على الفهم افهمي بالمحآضرة تمشين ، شرحهآ ممتآز جربت عندهآ الحآلتين مرة مآ أدرس ومرة درست أخذت عندهآ نحو 2 وتدريبآت لغوية ، ليش أقولكم عن الحآلتين عشآن تدرون أن نقدر نجيب درجآت زينة بس حنآ مآنعطي من عمرنآ ، الدكتورة أبدآ مو بخيلة بالدرجآت بس دشي جو معآهآ بالمحآضرة وقعدي جدآمهآ تصيرين أوووووكي .
محمد الحمصي : مآدري محمد أو شسمه الأول المهم أنه مقبلآت يالحمصي وهـ وهـ الدكتور عجيب أخذت عنده نحو وصرف 1 بس مآكنت أدرس آنآ وحدة صريحة مآ قولكم العيب فالدكتور الخلل فيني أخذوآ عنده وادعوووووولي الحين يعطي عروض وقآفية بس أنصحكم بخدآدة لأنه عروضي أمآ حمصي فهود دخيل على المآدة << يآفرحة دكآترتي بأسلوبي الفصيح هههههههههههههههههههه
الآسلآمية قريبآآآآآآآآآآآآآآآآآآآآآ <<<<<<<<<<
بخصوص كلامج عن دكتور سالم خداده انا ما أنزل عن الامتياز والجيد جدا بس مادة عروض الي اخذت فيها مقبول وعلى قولتج ما تذمه الا الفاشششلة وفاشلة جدا ؟ غللللطانة كل رفيجاتي ما يمدحون هالدكتور وكلش ما يعطي درجات !!!!! 😐 الي صج يهههههبل وماكو منه اهو الدكتور خـــــــــــــــــــــــــــالد جــــــــــــــــــــمــــــــــــــــــــعـــــــــــــــــــــة وهو الي يستحق ان يكون لقيه (أبو كل طالبة) على قولتج
السلام عليكم
تخصصي رياض اطفال
طبعا ماسكه ورقه التخصص وانا اكتب لكم عشان لا انسى احد لوول
* سعود العنزي ( كويت وتنميه ) مثل ما قالت جويل بالضبط حبوب محاضرته حلوه ومايحب التأخير والغياب عنده مهم وما يتقيد بالكتاب حيل ، يعني كتبي اللي فهمتيه واللي قاله بالمحاضره مع امثله ، امتحاناته سهله ومقاليه
* عادل زيتون ( حضاره عربيه اسلاميه ) ممتاز هالدكتور ويساعد ، محاضرته صج شوي ممله بس شرحه واضح ويحاسب على الغياب وامتحاناته سهله بس اكيد تحتاج دراسه لان الماده دسمه
* مشاعل عبيد ( مناهج بحث ) الهروب الى الهاويه لووووووووووووول اللي كارهه حياتها وناويه تنتحر تسجل عند هالدكتوره ، لا تعصب يما ودها تعضج وتشلع لحمج ، اسلوب مافي مزاجيه ، بس اذا سويتي اللي تقول عنه عدل بالضبط بالخطوات اللي تبي ، وما تغيبين على طول امتياز ، اما بتروحين تشترين بحثج من بره على طول بتصيدج وتحط لج دي اذا مو اف بعد
* خلود الرفاعي ( انجليزي ) منتدبه تهبل هالدكتوره شرحها بسيط وسريع ، وامتحاناتها سهله حيل
* عبدالله العوضي ( ميكانيكا) منتدب ويع ويع هالدكتور يشرح الماده ويتعمق فيها جنه قاعد يشرح فيزيا والا كيميا ! شاد حيله بالماده وامتحاناته صعبه ، الغياب عنده مهم بعد
* فهد الماص ( الفن والحياه ) اسلوب مافي بسرعه يعصب ، بس بالاخير ساعدنا حيل وعطانا تقريبا كلنا امتياز
وبعدين اكمل لوول لاني تعبت
* مشاعل عبيد
صددددددقتي أم حسون مشآعل العبيد الهرووووووب آلى الهآوية هههههههههههههههههههههههههههههههههههههههههه
* وليد الكندري ( دراسات مستقله ) محاضرته حلوه ويضحك لوول بس لا تخلونه يصعب يما يخرع ، امتحاناته سهله مقاليه ويقول لكم الاساله اللي بتيي بالامتحان ويساعد
* علم نفس الاعاقه ( ماجده الخليفه ) ماتشرح المقرر تخلي البنات يشرحونه ، نظام قروبات وكل قروب يشرح فصل من الكتاب ، تحب القروب اللي يشرح عدل ويعطي امثله وامتحاناتها سهله موضوعيه
* امل محمد ( تكنولوجيا التعلم ) المقرر دسم والمحاضره ممله شوي ، بس شرحها واضح وامتحاناتها سهله موضوعيه وتعطي واجبات تدزونها لها عالايميل
* مشاري الحسيني ( اداره تربويه ) محاضرته سريعه ، كان يبي منا برزنتيشن ، امتحاناته سهله موضوعيه
* منى ادبيس ( علم نفس ) عصبيه ، بس شرحها حلو وواضح ، الغياب مهم ، وامتحاناتها مقاليه تحب الكتابه
* سميره المذكوري ( علم نفس ) شرحها حلو والمحاضره ممتعه ، تحب البنت اللي تشارك معاها ، والغياب اكيد مهم وامتحاناتها سهله موضوعيه
* حسن عبدالرحيم ( علم نفس ) لوول هالدكتور يضحكني ، شرحه يضحك لوول ، يعصب بسرعه وامتحاناته صعبه شوي
* مريم عرب ( بدنيه ) ماتعطي امتياز الا حق بنت وحده فقط بالمحاضره لوول يعني ما يعجبها شي بسرعه ، لازم صوتج يكون واضح وشرحج يكون بالترتيب المطلوب وامتحاناتها موضوعي مقالي سهل ، وتحاسب على الغياب
* حسين عوض ( موسيقى ) يهبل هالدكتور ضمني الامتياز عنده
* امل بوجروه ( اقتصاد منزلي ) تهبل هالدكتوره تساعد حيل حيل اذا ماغبتي وماتنسين اغراضج
* ايمان العنزي ( رياضيات ) تهبل هالدكتوره بس لا تشوف الكلاس كسلان تعصب تبي مشاركه بالمحاضره وامتحاناتها سهله طبعا
تسلمين مطمط عالمدونه ولي رجعه ثانيه مع التقيم
نــوف
حسني عطية >> هندسة تحليله
وايد زين الدكتور ويراعي حيل ويرفع قد مايقدر
وشرحة حلو ويختصرلج شغلات بالحلول ,,,
ثريا فرج << رياضيات ابتدائية
المقرر سهل وكان شرحها زين حقة
بس تعطيج حقج ماتزيدج ولا تنقصج ,,
وامتحاناتها سهله
بس ماقدر اقيمها عدل لان المقرر حيل سهل
ايناس المنيس << ثقافة اسلامية
شرحها رووعة وتحذف شغلات وتخطط معاج
وتعطيج شلي مطلوب منج
بس امتحاناتها مقالية بس سهله ,,
نواف الجحمة << حضارة عربية اسلامية
اول الكورس كنا انخاف منة حييل وشديد معانا
ويقولنا بحذفلكم فصولمن المقرر بس بضيف عليها شغلات من خارج الكتاب
واللي عليج تسجلين المحاضرة معاه
بس طلع كلا حجي ودكتور عسل امتحاناتة سهله ويخيرج تبي مقالي ولا موضوعي
طبعا الموضوعي كان حدة سهل
والفاينل مو دارسة اخر فصل والامتحان كان اغلبة من الفصل الاخير
بس طلعت من المادة بي << معناتة ان حيييل مراعينا ماتوقعت اطلع بي
بشاير الخطيب << مكتبة واستخداماتها
دكتوووووووورة عسسسسسسسل بمعنى الكلمة
توها صغنونة تشوفينها تقولين كبرنا
حييييييييل حييييييييييل تراعي وامتحاناته سههههله
وتعطي بونصات ,, وماتحسسج بملل بالمحاضرة تسولف وتتغشمر جنة رفيجتج
وتخطط معاج المطلوب وبسسسس
وتعطيج سؤال ايي بالامتحان علية درجات كبيرة ,,
جومان معرية <<< اصول تربية
شرحها حلو ويفهم
بس اتيبلج الامتحان من سؤالين او 3 عليهم 15 درجة
والفاينل 4 اسئله بسسس !!!
يعني حيل تضيع درجاتج يعني بالدرجات والامتحانات احسة ظلم
بس كشرح وفهم زينة ,,
وهذولا دكاترتي لي الحين ,, ويعطيج العافية مطمط على المووقع الرووعة ^__^
بسم الله الرحمن الرحيم
بتكلم عن الدكاتره اللي اخذت عندهم
وليد الحمد :: دكتور متساهل حيل مع البنات … مايهتم للحظور والغياب حيل بس اهم شي تسمعين .. وعلي وجهودج
يعني اذا نجحتي باللجنه راح تنجحين عنده
عبدالغني حماد :: زين ومايظلم بس ادرسي وشدي حيلج راح تمشين معاه .. يحدد معاج بالكتاب شنو اللي تدرسينه واللي ماتدرسينه .. عنده امتحان واحد مدتيرم من 30 درجه والباقي علي الحظور والمشاركه
أحمد الجمل :: خوش دكتور يحدد لج السؤال والجواب بالكتاب ويشرح من قلب ويفهمج غصب .. عنده امتحانين مدتيرم من 20 درجه وعشر درجات علي البحث والحظور الغياب واذا شرحتي بحثج لج بونص
عادل الصراف :: زين .. مايحب البنت اللي تدخل وراه >> طرد .. امتحناته كلهاا من اللي يكتبكم بالدفتر .. يركز علي الحظور والغياب
عنده امتحانين مدتيرم من 20 درجه و10 درجات للحظور والغياب
عبالعزيز الدهيم :: خوش دكتور وتساهل مع البنات حيل .. شرحه موشي بس اعتمدي علي نفسج
امتحاناته اغلبهاا اختياري ويحدد طريقه الامتحان علي كيف البنات
ياخذ راي البنات في تقسيم الدرجه واسلوب الامتحان
مايدقق علي الحظور والغياب .. الاغلبيه امتياز اوجيد جداا نادر السقوط عنده
كاظم ابل :: دكتور زين .. شرحه نص ونص .. يشدد علي الحظور والغياب .. وكثير بنات يعطيهم حرمان بس التاخير والغياب
منهجه سهل وامتحانات اختياري .. واذا ماتغيبين عنده يساعد حيل حيل ..
امتحان واحد مدتيرم ناسيه جم الدرجه عليه .. بس اعتقد يستشير البنات بتوزيع الدرجات .. وعنده بحث عباره عن تلخيص لاحد الكتب عن علم النفس المترجمه للعربيه
وامتحانه كان صعب بس رفع درجات كل البنات
ماجده خليفه :: متشدده وطلباتها واجد .. وتفلسف علي البنات واجد >> يعني جذي تشرح ..
تطلب تقارير بالهبل ورسومات ويوميات .. امتحانها سهل ,, بس تهتم بالحظور والغياب وتقسم البنات مجموعات
عيني كل شي فيهاا اوكي بس التقارير اللي راح تزهقكم فيهاا
وباقي الكاتره تكلموا البنات عنهم .. وان شاء الله لي رجعه ثانيه بس اتذكر
تسلمين مطمط علي تنسيق الرد
يعطيكم الف عافيه بناااات
وااااااي مطمط تكفييييييييييييين سويلي صفحة خاصة بمدالله سويدان خليني اعبر عن مشاعري ما اقدر اقولها بويهه ع الأقل اهني <<<<< اف اكبر عذاب لا صار الحب صامت مثل الطفل يفهم و لا يعرف البوح
بنات حبيت انبهكم عبدالناصر مو مثل قبل ترى كل هذيله اللي يمدحونه يقصدون تعامله القديم اهوا غيّر طريقته<<بصراحة مو شي اغلب درجاه صايره c
جان زين يكبسون عليكم الدكاترة ههههههههه
بنات الفنيه اشلون الدكتور عامر ؟
مط مط
فديتج يااااااقلبي
والله والله احبج لله في الله 🙂
حبج ربج وثآبج شعور متبآدل
اشكر مطيريه عل الموقع صج فادتناااااااااا
بتدي بالزنين الاسلاميه
وانصح فيهم
خالد الصافي،وليد الحمد،وليد البذال،زيد الوصيص،اسامه زين بس دقيييييييق ويرفع خر الكورس
بدر الماص امتحاناتهكلها اكملي الفراغ يخربطج شوي بس طيب ويساعد
نوره محارب زيينه وترفع حيييييييييييل
وامممم
واللي يشوي صعبين خالد شعيب، ووحسن حموده هو طبيب وززززززززين حيل بس كميه شوي المذكرره بس الله يجزاه خيرررر
ولي عوده ان شالله
مط مط ميغسي بكووو على هالمدونه
بآردون لولو ~
بنات بسألكم عن هالدكاترة:
موسى غضبان-كويت و التنمية
خالد العواني-عقيدة
بدر الماص-مواقف من حياة الرسول و صحابته
مشاعل العبيد-مناهج+مناهج بحث
راشد جراري-نحو1
فوزية التركيت-صحة نفسية
ها لا تنسون شرح مفصل مثل ما تقول مطمط بإسهااااب
لو قريتي تعليقآت البنآت بـ تلقين آجآبة على تسآؤلآتج آنآ غمجت آسم الدكتور عشآن يسهل عليكم البحث
عمومآ مشآعل العبيد آنحآشي عنها الأفضل تآخذين عند مد آلله أو عبيد آلشمري
آلعدوآني يقولون تعدل مآدري عنّه
جرادي مووووو زين آخذي عند عآدل الصرآف أو عآيشة الأنصآري
هذيلآ اللي جربتهم وردي آقري تعليقآت البنآت
مشكوووووووورة مطمط بصراحة قدمتي لنا اعمال جليلة << حلوة اعمال جليلة
التــــربية آلإسلآميــة
– محمد الشطي : أخذت عنده تجويد 1 آلدكتور مهتم للطآلبآت حيل يرآكض ورآنآ يآفلآنة سمعي مووووو مقصر مهم تسمعين عنده أول بأول طريقته عنده آختبآر تحريري ويعطي مذكرة بس آختبآره جدآ سهل ويطلب منج تسمع السورة فالآنية من الآية كذآ الى كذآ هذآ الميدتيرم أمى الفآينل معروف أنج تختبرين أمآم لجنة مكونة من 3 دكآترة منهم دكتورج يسألونج 6 أسئلة اقرئي من قوله تعآلى آلى قوله تعآلى ، بنصحكم نصيحة لآ تخآفون ولآ ترتبكون جدآم اللجنة الاختبآر زين وقدموه بكل ثقة والغلط وآرد واللجنة تطلب منج تلآوة من المصحف أي سورة آختآري السورة آللي تحسين روحج ضآبطة أحكآم آلتجويد فيهآ ، نصيحة أخذوآ هالمآدة عند دكتور زين وقلبه عالبنآت مثل طآرق العمر ومحمد الشطي لأنهآ تأسيس وبتوهقون لو مآ تأسستوآ عدل بتجويد 2 لأنه يعتمد عليكم بكل شي ! ، الفآينل تحريري محد يقدمه آلآ اللي آجتآزوآ اللجنة يطلبون تسميع شفهي وأحكآم ومآ آلى ذلك حسب الدكتور ومنهجه آلدكتور ممتااااااااز
– وليد الحمد : أخذت عنده تفسير 1 الدكتور مآعنده مذكرة يمليكم ، منهجه يعطيج كذآ كلمة من القرآن مثل العشّآر ، القآرعة ومعنآهآ ، يذكر لج السورة سبب نزولهآ معنى الآيآت السور قصيرة نوعآ مآ مثل البلد والقدر والضحى ، آختبآر ميدتيرم من 40 درجة بعطيكم مثآل آختبآرنآ قآل تحدثي عن سورة القدر بمعنى آكتبي كل آللي ذكره لج وكتبكم بالمذكرة + جآب كذآ كلمة وقآل شنو معنآهم آختبآره سهل ، الفآينل نفس الطريقة بس شدوآ حيلكم ولآ تضيعون عليكم الفرصة ، وأذكر طلب منّآ نحفظ سورة تبآرك شي حلو آحنآ حآفظينهآ حآفظينهآ حق تجويد 2 وهالسورة المنجية من عذآب القبر ! ، جربت عنده تجويد 2 مثل مآقلت لكم آنآ متأسسة عدل عند الشطي ومن الثنوي بعد ، الحمد متسآهل بالتجويد حآله حآل كل دكتور يعطي تجويد 2 كل آللي عليه يسمع لكم ولآ يركض ورآج بتسمعين سمعي منتي مسمعة على كيفج ونفس طريقة آللجنة بتجويد 2 وكذلك الاختبآر التحريري نهآية الدكتور أروع من الروعة ويسآعد وآلحين مآخذة عنده تفسير 2 .
– خآلد الصآفي : جربت عنده مآدة أحوآل شخصية + عقوبآت في الآسلآم الدكتور جدآ متسآهل وحبوب ، يعطيكم آخبآر وآحد عليه 30 درجة مع أختبآر شفهي ومرآت تحريري مآيحب شرح شرح حفظ لآ يحبج تعبرين من فهمج ومهمة الشوآهد ولو فيه نقآط تكتب كمآ هي ، يحذف من آلمنهج كثيييير سوآء بالميدتيرم أو الفآينل يعطي آمتيآز مثل آلورد بس لآ تسااااااهلون .
– بهنسآوي : الدكتور زين شين زين من نآحية آن آختبآره سهل وحلو وخفيف أمّآ منهجه دسسسسسم فأنصحكم آللي بتآخذ عنده تدرس أول بأول لآترآكم عليهآ الدروس صج منهج منهج بس آختبآره حلوووووو وبتتعبون وآنتم تحلون بس جد سهل .
– عيسى زكي : جربته بالثقآفة الاسلآمية الدكتور وده يعطي امتيآزآت بس آنتم نآقشوآ بالمحآضرة آختبآر ميدتيرم من 20 درجة بحث من 15 درجة وآخبآر قصير والبآقي حضور ومشآركة ويعطي أسئلة بونص بالفآينل أنصحكم فيه بالثقآفة أمّآ بالأحوآل جدآ متطلب !
– أسآمة عبدالرحيم الكندري : حديث شريف محاضرته رووعة وآلدكتور عسل وفيه غيرة على الدين ( أهم شي ) ونكتة دكتور بمعنى الكلمة صج بيجننكم بآختبآره يلف ويدور أسئلته مو مبآشرة بس يبيلهآ تركيز بتنصدمون بالميدتيرم بس بالفآينل كريييييييم فوق مآتتصورون يعطي امتيآزآت ويعطي بونس بعد ، أحبببببببببببه أحببببببببببه يآعل ربي يوفقه من حيث مآلقى وجهه < الأخت متحمسة ههههههههههههه !
– زيد الوصيص : عبآدآت في الاسلآم ، امتحآنه جيد لآ بأس به يبي شوآهد آية حديث قول صحآبي أصلآ آلمآدة حلوة بس شدوآ حيلكم الدكتور ذكي يجيب جم سؤآل يضيعكم فيهم أنصحكم فيه مآعليه كلآم من نآحية الأسلوب والمحآضرة قمّة .
– عبدآلله حسن : علوم سنة موووووووووو شي لآ تآخذون عنده معقد المآدة وآلله مع أنهآ مو ذآك الصعوبة بالعربي البعد عنّه غنيييييييييييمة يبيج تكتبين التعريف نصيآ ولآ تزيدين ولآ حرف ولو كآن صح ينقصج !
– خآلد يحيى : أخذت عنده أخلآق في الآسلآم تندممممممممممت حيييييل الكويتي أنفع بنآت أخذوا عند آلكويتيين وبسسسسسسسس آللي بتآخذ موآد آختيآرية تآخذ عند كووووووويتيين ووووبس مو مصريييييين مسوين الدين فيزيآ وكيميآ بسيطة مآتستصعبهآش يآبآشآ مآتفكهآ بئى !
– خآلد العدوآني : مجنووووون رسمي يشككج بدينج هو فآهم بس مو عآرف يوصل المعلومة صح ، وأحسه غبي شوي مع أنّي كآتبة له آجآبآت نموذجية عطآني C آنحآشواااا عنه البنآت يقولون تغيررررر خبري فيه 2007 جنني وربي ! ، آختبآره مآدري شلون صآير يلف ويدور وبالنهآية تنصدمين هذآ الإجآبة ؟
– سليمآن الشطي : سيرة نبوية خفة دم على أبوة على شطآنة هههههههههههه روعة روعة أختبآره متنوع مقىلي موضوعي ركزوااااا عدل وأنتم تدرسون ترآ يدخلكم البحر ويطلعكم منه نآشفين بالعربي آختبآره بين السطور بس سسسسهل مو صعب وحيل حبوب اللي مآتجيب درجة زينة يعيد لهآ الاختبآر والفآينل كذلك نفس الطريقة بس أحس الفآينل أسهل درجآته زينة واسلوبه روعة ~
آلى اللقآء مع قسم الأصول والآدآرة التربوية ~
ووووووودي أقرق بعد وأعطي معلومآت عن دكآترة الآسلآمية ههههههههههههه مآخلصت للحين
أبي رد وآفي كآفي و و و و كل شي عـــــــن الدكتور راشد جرادي …
لاني متأخره واضطريت آخذ عنده …….
تكفآآآ بنآآآت
يايالله ياكريم واللهم اجعل كلامنا خفيف عليهم ،،، أنا راح اعلق على قسم قسم موكلهم خبصة بس عاد قولوا يا هادي ،،،
ooOO علم النفس OOoo
الدكتور محمد الدغيم : هالإنسان عجيب محترم وطريقته ابويه بالتعامل مع البنات امتحاناته واحد موضوعي والثاني مقالي والفاينل موضوعي بس كان اسهل من الميترم ويعطي بحث بونص .
الدكتور . ناصر المويزري : خوش دكتور ومادة سهلة عندة وامتحاناته سهلة وهي مجموع الكويزات والفاينل مجموع الميتيرمات (( يعني نفس الأسئلة ))
الدكتور حسن الموسوي : هالدكتور مظلوم بالكلية حيل من قبل البنات خوش انسان وطريقة تعاملة راقيه وجنتل مع أن شكله مع احترامي له ما يدل على هالموضوع امتحان واحد عندة وبرزنتيشن والفاينل ماله طريقة محددة كورس مقالي كورس موضوعي حسب تصويت السكشن ماعندة مشكلة .
الدكتورة فوزية عبدالغفور: حيل زينه وهادية وامتحانها سهل ومقالي وموضوعي الميتيرم والفاينل وكأنها طلبت بحث ما اذكر والله بالعموم خوش دكتورة .
الدكتور محمد المغربي : هالدكتور حكاية بحاله مسرحية ومالها أخر المحاضرة عندة روعة وماتنمل صج المادة ماهي سهلة ويبيلها مجابل عدل عدل والأمتحانات صعبه وتدوخين فيها بس لما تتعبين تحصلين انشاء الله .
كاظم ابل : بكل اختصار ظالم وبس .
الدكتورة مني دبيس : عصبية بس موادها سهلة والدراسة مقالية وبس سهالات المادة عندها .
الدكتورة سميرة مذكوري : الكل يخوفج منها بس تكتشفين العكس زينة ومقرراتها سهلة وامتحاناتها مباشرة وتطلب بحث وبرزينتيشن بونص وترفع السكشن بالدرجات على هواها .
مدالله سويدان لا يغركم اكبر منافق تروحين له بس يتبسم وانشالله و راح ارفعج و بس حجي من غير فعل
غير انه ما يعرف يشرح و محاضرته مسخرة صدقوني بنات عن تجربة
دكتور مدالله سويدان اكبر من الكلام اللي قلتيه
واذا انتي ماتفهمين بالشرح مو مشكلته
وعلى اي اساس يرفعج ….؟
اهو مايرفع الا البنات اللي مايغيبون وشادين حيلهم
زين منه جاملج غيره من الدكاتره يقولها بوجهج ماراح ارفعج
وانا متاكده انه معطيج درجات فوق حقج
طيب ليش مارحتي ناقشتيه
عادي عنده يطلع لج امتحانج ويوريج كل درجاتج
اما بعض الدكاتره يرفضون يورونج درجاتج
اهو حيــــــــــــل متفاهم وحيــــــــــل يساعد الطالبات
انتي يمكن انج غلطانه او في سوء تفاهم روحي واجهيه وحلي مشكلتج دامج واثقه من نفسج بدال لاتتكلمين عنه من وراه
تقبلي مروري 🙂
انا عن نفسي جربت اقبال الحداد تهبل متساهله حيل والماده كلها مرح وتلخيص والمنهج كان مشكلات تدريسيه وتخيركم تبون نحذف اى فصل وحيل حيل طيبه وحبووبه والله
وبعد سعود العنزي كويت وتنميه يجننننن والمحاضره كلها سوالف بسوالف وامتحانه لوماعجبج تمتحنين ثاني وياخذ درجه الاحسن
واخذت عند ساميه السنافى مناهج كل الى يهمهاالفلوس وبس تبي تاخذ على قد ماتقدر تقول مشروع مثلل ب 20 درجه فجاه بنص الكورس تفاجاج ان لا ترا ال 20 تحتاج مشروعين + 5 دنانير للصندوق حق الوزاره كل شى بفلوس وتشترين الدرجات بس بطريقه غير مباشر انصحكم خلووها تولي
سليمان الشطي قمه قمه ومحاضرته مرح ومتساهل حيل معانا
عبدالله العازمي مدخل للتربيه حيل يغيب ويعطي المحاضره بربع ساعه والامتحان سهل والمنهج خفيف والكتاب ضعيف بعد ويحذف امتحانه نظام كله صح وغلط بالفاينل وبالشهري
عايده العيدان مقدمه فى تكنلوجيا بصراحه كنت شاده حيلى وماعطتني حقى عطتني بي وانا استحق اي وحاذفه اشياء واجد جتنا بالامتحان لانه موحد لكذا شعبه فكننا بقاعه المعارض ونناديها نقول هذا محذووووف 😐 منصدمين تقول بعدين اشوف بعدين وبعدها ماداومت وكان امتحان نهائى بس ع لعموم محاضراتها حلوه وكلها قصص وسوالف وهي حليوه
دلال العنزي مناهج بحث تهبببببببل ومحترمه وتعطي اذا شديتي حيلج بس تبي بحث وامتحان حتي اسمي موحافظته هي ومالى خلق اشارك عطتني اي لان جبت بحث وامتحان جبت درجه عاليه
عادل زيتوون بصراحه تافه وربي جايبه بامتحانه الشهري 18 من 20 وبالنهائى مبدعه كان سهل عندي حطلى c انصدمت؟ وانصدم من الى يمدحونه لاوصوته واطي بالمحاضره
هذول كل الى جربتهم وماراح ابخل عليكم اذا خلصت هالكورس من التعليق باذن الله والقرقه
يلا موفقين بنات
شنو هالاسلوب …؟
دكتور اكبر منج وتقولين عنه تافه
احنا حطينا المدونه نذكر ايجابيات وسلبيات الدكتور
مو للسب
عيب عليج الكلام اللي تقولينه عن د.سامية السنافي اللي تنحط على الجرح يبرى معاملتها راقية وتراعي الظروف وتسوي مذكرة تلخص الكتاب واحنا ناخذها منها ونوديها عند مكتبة الطالب وذا كان عن المعرض فكافي احتكاكج مع طالبات المدرسة وتعيشين الجو الاسري معااها ومع زميلاتج وعلى فكرة ماتخلينا ندفع تحط معانا في المعرض وماتتكلف في تعاملها معانا والصندوق محد طقج على ايدج علشان تشاركين وتلرتزين عندالوزير جان ماشاركتي والل لانج ماسويتي عدل بالفاينل واشتكيتي وهم ماتعدلت درجتج وطلع الحق مع الدكتورة مو ضدها يالشاطرةةةةةةةةةةةةةةةةةةةةةةةةةةدسامية احنا كلنا نحبج وااااااااااااييييييييييييييد
حبيبتي انا بعد نفس الشى مع ساميه
جربتنا ندفع للصندوق وللمعرض علشان الدرجات
وهم المذكره مالت الفاينل احنا مسوينها
قالت كل بنت تكتب 20 سوال وعشوائى جمعت كم صفحه بنت وقالت هذى اختباركم اططبعوها ! صج انها ماااديه
السلام عليكم
بغيت أسألكم عن الدكتووره عبير عواد فنيه ؟؟
السلام عليكم
تخصصي رياض أطفال
راح أتكلم عن الدكاتره اللي أخذت عندهم
………………………………..
* الدكتور حسن الموسوي يعطي ارشاد نفسي
خووووووش دكتووور من ناحية الأسلوب والتعامل مع الطالبات صج ما توقعته جذي من كثر ما سبوه البنات وظلموووه وامتحاناته سهله حيييييل ويطلب شرح مع دراسة حاله .
* الدكتور أحمد الجمل يعطي ثقافه اسلاميه
مليييييييييييييييييق ياااا ناااااااااس نفسيته بطرف خشمه ليش لحد ألحين مآدري بس مو شي لا امتحانات لا تعامل وأحسه ظلمني الله يسامحه
* الدكتوره مي الحجيلان>انجليزي تمهيدي
*الدكتوره خوله الرفاعي>انجليزي1
*الدكتوره نبيله المدلج>انجليزي2
كلهم ما شاء الله يهبلوووون امتحاناتهم سهله وتعاملهم أحلى ومحاااضرتهم روووووووووعه
* الدكتور سوسن التركيت تعطي مناهج بحث
تهبل هالدكتوره امتحانها سهل وتطلب استبيان مع مجموعه من البنات بشكل عااام محاضرته حلوووه ومقررها سهل يعني تضمنين الـ a
* الدكتوره إلهام المفتي تعطي قراءات وأساليب
أوف غثيييييثه غثييييييييييثه تحلل حرف حرف ما تطوف شي عقدتني بالعربي زووود محاضرتها ممله وامتحانتها صعبه شووووي
*الدكتوره سلوى الجوهر تعطي أساليب ومهارات
حبووووووبه حييييل بس شوي الطلبات وااجد مثل تطلب لعبه وتطلب شرح فصل من الفصول وتطلب شرح حلقه بروحج مع كامل وسائلها وغير الامتحان سهل وحلوووووو وتشغل فيديو وتعطيج ورقه فيها أسئله وتحلينها بشكل عااام تضمنين فيها التقدير العالي
* الدكتور أحمد الكندري يعطي تربية أسرية و تفاعل اجتماعي
من قرادة حظي أخذت عنده مقررين يالله صج غثييييييييييييييييييييييييييييث وملللليييق صج ما أقدر أعبر امتحاناته صعبه وكميات الاختبار اللي يدخلها معانا مو طبيعيه ودرجاتنا بالحضيض واكتشفنا إنه بنته اهيا اللي تصحح الاختبار << صدمه غسلت ايدي منه بس الحمدلله عديت بس بتقدير خااااااااااااااااايس
* الدكتور ناصر المويزري يعطي برامج اعلاميه
خوش دكتوره حبوووووب حيل يطلب منج امتحان تيرم واحد وأكثر شي الكويزات بس حدها سهله ما يبيلها درااااسه وكلها صح وغلط ويطلب تقرير واحد واساساً مذكرته ما تتعدى 30 صفحه يعني اخذووا عنده وانتوا مرتاحين
* الدكتور خالد الرشيدي يعطي ورشة إنتاج مواد تعليميه
عجيييييب على كثر ما المقرر عملي ويحتاج شغل ومتعب حده بس الدكتوره مبسط الأموووور حيييييل ويطلب منا 3 مشاريع الأول شفافيات والمشروع الثاني البوسترات والمشروع الثالث البوربوينت وامتحان تيرم واحد ويطلب تقريرين بس رووووووعه اخذوووا عنده إن حصل لكم
* الدكتوره خلود النجار تعطي مقدمه في تكنولوجيا التعليم
طيووووبه ورااقيه بتعاملها مع الطالبات وامتحانها سهل وتطلب برزنتيشن كامل من ناحية الوسائل والبوربوينت وضيف شرف وإلخ .. متعبه صح بس بالأخير تاخذين تقدير بتكونين راضيه عليه
:: هذا اللي يحضرني ألحين ولي عوده إن شاء الله ::
:: بالتوفيق ::
بالعكس الدكتور احمد أحسن إنه يعطي وايد درجات حتى إنه يرفع البنت تقديرين أو تقدير على الأقل أكتر من حقها .. ويكفي إنه يعطي بضمير في المحاضرة فأكيد يبي يشوف مجهوده بالإمتحان .. فالله يعين بس إلي ما يدرس ويقول ادرس ويدش ولا شي مو ذنبه هو .. ولا شنو بنات ؟؟
قوووه بنات
بقولكم عن تجربتي ويا جم دكتور
سليمان الشطي ( ثقافه اسلاميه ) .. بصراحه حده حده عجيب يضحك ويتغشمر ومو ذاك الزود ويا الغياب .. بس عيبه انه الامتحان الاول شويه صعب .. بس حيل متساهل بالدرجات ويعطي A انا طلعت منه 100 % 😉
منى ادبيس ( علم نفس تربوي ) .. عصبيه ونفسيه وتحب تتفلسف .. متشدده بالغياب والحضور .. امتحاناتها مقاليه .. بس درجاتها بالاخير حلوه وايد ..
رجب محمد مادري محمد رجب ( لغه عربيه ) .. بنات باختصار اللي يطلع هذا دكتورها بالكورس خل تسحب الكورس ابرك :p
مبارك الذوره ( مناهج بحث ) .. دكتور راقي بمعنى الكلمه .. يحاول كثر ما يقدر يوصلج المعلومه بطريقه حلوه .. متشدد بالحضور والغياب .. محاضرته وايد حلوه وتونس ويضحك ويتغشمر ويتعامل مع البنات بطريقه راقيه حيل .. ودرجاااته واااايد حلوه
نواف الجحمه .. يعجب بعض البنات وما يعجب بعضهم .. انا بصراحه حيل حبيته انسان محترم وراقي بتعامله .. يشدد عالحضور والغياب .. امتحاناته حيل سهله .. درجااته وااايد حلوه .. بس مايحب اللي تدخل عقبه يطردها ويطلب بحث وتشرحينه واللي تغيب بيوم الامتحان ما يعيده لها
حسن عبدالكريم ( علم نفس النمو ) .. لووول يخلي بنيه تقرا الشرح من الكتاب وامتحاناته وااايد صعبه
حجاج العجمي ( مدخل الى التربيه الخاصه ) .. نصيحه بنات اسعوووا انكم تاخذون عنده لانه دكتور ما يتطوف كلش كلش .. امتحاناته تينن سهله حيل اصلا اسهل شي بالكتاب اييبه لج ويحذف وايد واكثر من نص الشعبه تطلع A
والحين بنات فيدوني بليز .. ابي دكاترة التربيه الخاصه وعلم النفس منو فيهم اللي تنصحوني فيه ؟؟
التربيه الخاصه ماعندهم الا 3 او 4 دكاتره
واحد > تفوق عقلي ( محمد الحوراني ) يعني يعطيج على حدج مايزيد شي
شرحه ز ين بس تحسين بملل وبتنامين لوول و امتحاناته مو سهله فيها صعوبه
و عموما مواد التربيه الخاصه دسمـه ! و مساندها ادسمـ !!! بنحول و مبتلشين
3 دكاتره تخلف عقلي > رئيسة القسم ملاقه محاضراتهاا ، عيسى جابر شقول عنه !
ويع ويع !! ،، و في واحد ماجربته بس يمدحونه و ماينزل الا ماده مادتين كل سنه خخخخ
و في دكتور تو يا يديد العنزي محد يدري عنه زين مو ز يـن ،، عموما ماجرشيدنا يلوع الجبد
مافي مواد لانه على 3 وحدات و يعطونا اخيس الدكاتره بـ مواد العامه
نفس العنجري و غيره !!
مظلوميـن بمجرشيدنا و كل شي مسكر غير متاح هذا الفصل مايدري متى بيفتحون لنا
و مواد المجرشيد مادري من وين طالعه اي عصر
كويتيه زقرتيه شكلج نفسي تربيه خاصه تفوق !؟؟
بسألج شنو محمد رجب مو زين كل يوم وحده تمدحه و مره مايمدحونه
انا خذيت لغه عربيه عند فتحي و سقطني وبحول قلت اخذها مره 2
عند رجب على شان يعطينـي C عالأقل !
بحول اخاف يلعب بمعدلي بعاد ! اسحبها ؟
السلام عليكم نفره نفره …~
انا صار لي سنه في الكوولج ومااعرف الا ذوولي <>لازم شواهد يابعدهم هع
الدكتووره الهام اللنقاوي(جيولوجيا): صدز انها متخلفه استغفر الله بس زينه يعني تقول هرج ماله داعي مثل الفراعنه اوب بشر جايين من كوكب اخر او الكره الارضيه فيها بوابه تحت الارض تودي لي العالم الخارجي وهكذا الخ الخ >>تاثير الافلام هع
بس امتحاناتها زينه بس كميه تجي اول الكورس تقول ماراح ندرس الكتاب كله بس جزء لايتجزا من الكتاب واخر شيء درسنا 99% من الكتاب بس بصراحه الجيولوجيا العامه نفس منهج الجيولوجيا تبع الثانوي وبس حده ايزي
الدكتوره ايمان العنزي(هندسه تحليليه مستويه): روووعه المقرر حده سهل والامتحان حده سخيف مره سهل والبنات كانو يغشوووون هع
الدكتوره امل محمد(تكنولوجيا تعليم): روعه هالدكتووووره انا لما اخذت عندها كانت حااامل وماناخذ الا مره بالاسبووع تعطينا بوربوينت ندرس منه وبرضو مذكره مع الكتاب وماتطلب الا تقرير صفحه او صفحتين اما تطبعينه او ترسلينه ع الميل عاتي عنتها وطيبه حدها 🙂
الدكتور سلمان حسين الفيلكاوي(كويت وتنميه): دكتور زين والله يجزاه كل خير طيب ومنهجه صدز انه دسم بس مسهله علينا وبرضو امتحاناته سهله ويطلب بحث عن اي شيء
الدكتور عبدالمرضي زايد (حضاره اسلاميه): رووعه هالدكتووور منهجه محذف منه ومسهله علينا مايطلب شيء ابد لا بحث ولا شيء اللهم يخصص محاضره للمشاركه يقسم البنات من الاسامي ويقوول حضرو هالصفحه او اقل من صفحه ويقول تكلمو عنها عادي عنده لو البنت تكتب ملخص بس ماتقراه قدامه بس لو نست تذكر نفسها والمشاركه اوب اجباريه اللي تبي تشارك زين واللي ماتبي بكيفها
بس طفارته اللي تلفونها يدق ينقص درجتين وبعد اللي تتاخر وبس
الدكتووور خالد جمعه(تدريبات لغويه): يفهم حده بس دقيق ويناقز بالكلاس ويبربر عن اهله خخخ
بنته سماح وحفيدته ريم وولده ماادري وشنهو وهو كان بالمانيا
بس بصراحه يفهم ومايظلم والمقرر عن النحو وغيره يعني اعرابات وتسذا
الدكتور محمد اشقر(قراءات واساليب):>>ماني بمتاكده اذا اسمه محمد خخخ
بس المقرر كله مذكره 33 صفحه تحفظينها وتكتبينها بالامتحان حتى هو يقول شنو يجي بالامتحان بس حده دقيق بس يبيله شده حييل
والقصايد عنده اول خمس ابيات حفظ والباقي شرح
مسهل المقرر جزاه الله عنا الف خير
الدكتوره لطيفه الكندري(اصول تربيه):الله يجزاها الف خير حدها روووعه الكلاس يا بي او اي ماكو سي تنجح البنات يقدمن الامتحان مو حالاته عدل يكتبن خرابيط وتنجحهن تطلب بحث وووه بس ياحووبي لها تجنن عسل تحترم البنات وكل ابو حاجه
اذكر اخر الكورس جابت ماكنتوووش خخخخخخخخخ
وبس هذولي اللي اخذت عنتهم
وموفقين كوولياتكووون
سامحووني ماحطيت تقسيم الدرجات لاني اوب ذاكره هع
وسامحونا ع القصووور
نلتقي في دكاتره ثانين
تشاوو..~
اممم ماادري ليش ماطلعت الدكتوره ايناس المنيس 😦
مع اني حاطتها بااول الرد …~
ايناس المنيس تعطي ثقافه اسلاميه:المقرر بالاساس دسم وهو حده سهل كله اخذناه بالثانووي وهي ماشاء الله تحترم البنت وشرحها حيل حلوو تفهم
امتحاناتها مقاليه ولازم شهوود من القران والسنه بس الامتحان اغلبيته من النووت بس الشواهد من الكتاب وامم وحقانيه ماتظلم احد وبس 🙂
Wjooda اييي والله صاجه أصلا شكلي بقعد زياده بالكليه سنتين من كثر انه ماكو مواد !!
لا انا تخلف عقلي
رجب محمد مو زين كلش كلش ديري بالج تاخذين عنده
نحييييييييس بالدرجات .. يشدد عالغياب .. اول امتحان يحطه صعب حيل حيل .. ولانه نسبة السقوط فيه يكون وايد يعيده لج ويخليه اختياري وسؤال مقالي مثلا .. الفاينل ماله يشق شق
وطبعا كورس كامل ما اعتذر ولا نص يوم :p كله مداوم ومذكرات وااااايد
اذا انتي شاطره بالماده ومو محتاجه شرحه وجذي اخذي عنده بس لو كنت بدالج ما اخذ عنده كلش
كويتيه زقرت .. من صجج محمد رجب مو زين؟؟!!
والله يا بنات أروع دكتور أخذت عنده حييييل يساعد بالدرجات وإذا ما فهمتي يعيد حتى لو عشرين مرة عادي عنده أصلا يقول لازم ما تطلعون من المحاضرة إلا وكاتبين كل شي وفاهمين>> أساسا المادة سهلة (تدريبات لغوية) مع إني مو ذاك الزود بالنحو بس طلعت بـ A الحمد الله
على فكرة أغلب البنات اللي كانوا معاي بالمحاضرة كلش مو شطار بالنحو >> وأنا وحدة منهم بس مع الدراسة أول بأول تصير المادة سهاااالات ان شاء الله
لي رد ان شاء الله مع باقي الدكاترة اللي أخذت عندهم.. ويعطيج العافية يا مطيرية على الصفحة وفي ميزان أعمالج يا رب
والله انا همن عادل زيتون ظلمني ووايد قريت بنات منصدمين فيه
ماتنلام التفاهه مو بعمر معين فى ناس بالستينات ومافيهم ذره عقل
حته لو اكبر مننا واذا
الله يعين كل درجاتنا باديهم شنسوي بعد
انا بقولكم عن دكاترتي:
خالد الصافي احاديث وايات روووووووووووووعه من اروع الدكاتره يسهل عليكم ويخطط وباله مع البنات
الدكتور عبدالله العازمي عادي بس امتحانه كله موضوعي يحتاج تركيز
الدكتوره نوره محارب روووووووعه
خالد العدواني مانصحكم فيييييييه موليه واسالته معقده ويبى شرح
سليمان الشطي ثقافه اسلاميه ماكو مثله يييييييينن تخلص المحاضره ماتحسين بالوقت
ناايف الدوسري عاادي ويحاسب على الغيااب
ولى رجعه برب صلااااااااااه 🙂
ياحياااتي يامطمط لاهنتي يالغاليه
الجراادى طلع اسمه راشد الجراااري مو الجرادى ههههههههههه علمنا من اول يوم
وشفت اسلوبه مرح ويضحك شوي
الي حسيته جدي حيل عبدالمرضي الزايد
الجرادري حسيته حبوب
الصافي بكره بشوفه
وطارق يوم الثلاثاء الله يستر
اول شي ابي انبهكم عله شغله :
التعليقات خاصة بالبنات إلي يدرسون وشدون حليلهم:)
تخصصي اسلامية :
1- دكاترة الاسلامية :
*عبدالرؤوف الكمالي :
مشاء الله عليه خوووووووووش دكتور من كل النواحي او اهم شي المعاملة او هم وايد زين بالدرجات الله يعطيه العافية .
*خالد الصافي :
الدكتور وايد زين والمقرر دايم واضح يعطيج بالضبط الاجابات الي يبيهة بالامتحان او مافي احسن من جذي او الله يعطيه العافية .
*اسامه عبدالرحيم :
من الدكاترة المميزين في القسم محاظرتي اتينن او درجاته زينه الله يعطيه العافية .
*سليمان الشطي :
الدكتور وايد زين او حبوب او غشمرجي او درجاته هم زينه .
*زيد الوصيص :
المحاظرة عنده وايد حلوة والدكتور زين او احدد المطلوب بس اشوي الكمية كبيرة بس امتحاناته مو صعبة او الله يعطيه العافية .
*خالد العدواني :
الدكتور حده محترم او مهمه اقولون عنه البنات المفروض يحترمونه اظل دكتور ممكن اكون عنده توجهه الخاص بس ما يلزم فيه احد أنه ماخذه عنده 3 مواد امه العقيدة المادة نفسه صعبة اشوي عندة امه السيرة والثقافه سهلين او الله يعطيه العافية .
* ايناس لمنيس :
الدكتورة زينة بس احس انه الكمية شوي كبيرة في مقرر السنه او عشان ما اظلمهه كان عندي مادة مع مادتهه في الفاينل عشان جذي اثر الموضوع معاي .
مواد العربي :
•سالم خدادة :
الدكتور وايد وايد وايد زين او حبوب والمحاظرة اتينن والمتحانات مو صعبة بس تدرون المادة يديدة قصدي العروض فيبيلج بس شوي اتشدين حيلج في اول المحاظرات او بعدين كل شي اصير سهل او الله يعطيه الف عافية .
*احمد العلي :
المادة شوي صعبة الله اعينكم عليهه الدكتور مافيه شي او زين بس احب الي تكتب وايد او الله يعطيه العافية .
*يحي مير علم :
اقول الصراحة أنه من البنات الي مو وايد بالقواعد بس الدكتور زين او معاملته زينه .
*حمود العنزي :
المادة سهله بس يبيلهه اتشدين حيلج او تتمرنين والدكتور ما في شي المهم اتروحين اتصلحين عنده او ما راح يضلمج .
*خالد جمعه :
الله يهديه ما ادري ليش خفس فيني مرة وحده ادري اني اضعيفه في الماده بس اهو هم ما راعة اني ما اغيب معنه المحاظرة كانت متأخرة بس هم امتحاناته اطويلة او صعبة ما يمديج اتحلين وتفكرين .
مواد عامة :
*سعود العنزي :
الدكتور وايد وايد زين والمحاظرة حلوة او اهو يرفع بالفاينل او ياخذ درجة الاعله من امتحانه او الله يعطيه الف عافية .
*بدر الملك :
مشاءالله عليه الدكتور حده زين او معاملته حدهه زينه او يعطي سؤال من الامتحان الله يعطيه الف عافية .
*حسين هدبه :
الدكتور وايد زين والمعاملة زينه او امتحاناته صح او خطأ والمحاظرة حلوة الله يعطيه الف عافية .
*محسن الصالحي :
الدكتور وايد زين او اراعي الظروف والمحاظرة حلوة والامتحانات هم زينه الله يعطيه الف عافية .
ابي اسال عن د. حسن هنداوي بس ابي الرد ابسرعه بللللللللللللللللللللللللللللللللللز او الله اوفق الجميع انشاء الله .
تسلمين على الرد الحلو مثل صاحبته
تدرين عرفتج من الدكاتره لووووووووول
هنداوي سألتج عنه و كنت ببلغج يقولون إلي يعطيج إياه بالمحاضرة
هو الامتحان ما يطلع منه
جــــــــــــزاااج الله خيــــــــــر ع التعليقات الحلوه والراقيه
وهذا يدل على شخصيتج 🙂
مرحبا بنات انا تخرجت و توظفت الحمدلله بس حبيت افيدكم<< على فكرة معدلي 3,87
يحيى مير علم………….يفهم عدل …. بس ما عنده زيادة بالدرجات
عباس الحداد……يطلع اليني براسج…و مزاجي..ويحط حطه ع البنات الشطار..بس بالدرجات يعطيهم حقهم
حمود العنزي…..محتكر المادة …… و شايف عمره..بس ما يوطوط مع المحترمة
عادل الصراف……يضيعج طول الكورس..بس بالدرجات <<< اخذي معاج مغرافة
عايشة الأنصاري…..الله يستر عليها…ضيعت بنات امتياز بس انا مو منهم
محمد نعناع……حقاني 100% واسئلته واضحة سين جيم..بس بالنسبة للي يلعبون لا ياخذون عنده
جلال الرشيد…….اسئلته ماي …..بس اول شي تحسينه صعب
خالد جمعه…..ماسك علينا سلم الدرجات بالربع و الـأعشار وانا اخذت عنده و سحبت ما بغيت الا عمري
إلهام المفتي…..اللي اعرفه انها ماتعطي درجات و لا تقدر شطاره و لا تراعي انسانية
اجتماعيات:
موسى غضبان…. الله يرحم والديه … ما حبينا التاريخ إلا من وراه..ما يعقد المسائل بس ما يحب الكسالى بعد..يعني ما في تعب الا وراه راحه عنده
سعود العنزي……..وايد بنات مو فاهمينه…بس ترى وايد سهل و اللي تجربه مرة تتمنى كل المقررات عنده
عماد الطاحوس…ابوالمزاجية و ما عنده مقرر..وكله يقول انتوا جمعوا و بالأخير تتكود المذكرة جدام عيونا…. و العلاج الوحيد هو اللطم على الخدود ههههههه
ناصر المويزري………تحفة ..وايد روعة …بس تقولين السلام عليكم…يعطيج امتياز
قسم المناهج:
مدالله سويدان……..ماكو مقرر واضح بس الدرجات بالهبل
فوزي بو فرسن………………………..ما اقول الا حسبي الله و نعم الوكيل عليه
عبيد الشمري….اوكي انا جربته زين ما ادري عن غيري
فهد سماوي…اخذت عنده حلقة بحث كانت روعه لا امتحان و لا شي و الامتياز مضمون
قسم الأصول:
بدر ملك……… وايد محترم ويشجع البنات وأحس صج دكتور وزوجته الدكتورة لطيفة مثله بعد
عبدالعزيز الأحمد ……. دقيق حيل ومقرراته صعبة بس واي محترم وحقاني
فهد الفيلكاوي …………….مو وايد مضبوط<<وانتوا افهموها
و الباقي عادييين
و ادعوا لي على هالمعلومات البسيطة و ترى هذي وجهة نظر مو شرط نعممها
د.منى أبو عاصي (كيمياء عامة): تهبل هالدكتورة حبوبة وطيوبة وامتحاناتها سهلة حييييييل وما تجيب أفكار بالمسائل تجيب نفس الأمثلة اللي بالمذكرة بس تغير بالأرقام وأحيانا نفس الأرقام بالضبط.. المذكرة سهلة وحلوة.. أساسا المادة ما فيها شي جديد كله ماخذينه بالثانوية.. وأغلب البنات جايبين درجات كاملة بالمدتيرم الأول والثاني بس الفاينال كان أصعب بدرجة بسيطة من المدتيرمات.. بس موصعب حيل يعني يبي دراسة أكثر وحذفت لنا فصل كامل ما يدش معانا بالفاينال.. امتحاناتها عبارة عن: صح أو خطأ.. اختيار من متعدد.. مصطلح علمي.. عللي.. مسائل.. وبالفاينال جابت معادلات كيميائية على شكل أكملي الفراغ.. بالنسبة للمختبر مافيه شي, سهل وحلو.. أنصح اللي ما أخذوا كيمياء عامة ياخذونها عندها بدون تردد.. الله يجزاها خير ويوفقها..
د. منى السلامين (علم الحيوان): فبل لا أتكلم عن الدكتورة عشان ما أظلمها, المادة ترى حييييل دسمة وحفظ وكمية كبيرة وهي الله يجزاها خير كانت مختصرة وحاذفة أشياء كثيرة ومع هذا لا زالت الكمية كبيرة.. الدكتورة جدا محترمة وساعدتنا حييل بالدرجات النهائية بس امتحاناتها فيها صعوبة شوي ودقة.. يعني ادرسي عدل وبتركيز.. تعطي ثلاث امتحانات وتاخذ أحسن درجتين وإذا درجاتج عاجبتج بأول امتحانين مو شرط تمتحنين الثالث بكيفج.. بالنسبة لي الإمتحان الأول درست عالماشي وما كنت عارفة أسلوبها وطريقتها بالأسئلة وما جبت درجة زينة بس الإمتحان الثاني درست عدل وركزت على الأشياء الدقيقة اللي بين الأسطر والحمدلله جبت درجة حلوة يعني خليج دقيقة ومركزة بتمشين معاها.. طريقة امتحاناتها: صفحة كاملة مصطلح علمي.. صفحة صح أو خطأ.. صفحة عللي.. صفحة أو صفحتين رسمات وانتي تكتبين عليها البيانات المطلوبة أو تحط عليها أسئلة.. وفي امتحان شافت أغلب البنات غلطانين بسؤال عللي قالت خلاص الإمتحان اللي بعده أجيب بداله اختيار من متعدد.. واللي تبي الشفافيات اللي تشرح منهم على البروجكتر عادي تعطيج إياهم تصورينهم.. المختبر كله رسم العينات بس بالإمتحان بس تعرف بدون رسم مع ذكر الطائفة والشعبة.. باختصار المادة غثيثة ودج بس تفتكين منها..
د.محمد الشطي (ثقافة إسلامية): الدكتور طيب ومحترم حييييل وامتحاناته حلوة وأسلوبه أحلى.. بصراحة استفدت منه أشياء كثيرة بحياتي.. الله يجزاه خير ويوفقه ويكثر من أمثاله.. المحاضرة تمر بسرعة وما ودي إنها تخلص.. والمادة مافيها شي يعني كل شي واضح فيها.. بس ادرسي عدل واضمني الإمتياز ان شاء الله..
د.غنام الغنام (أصول تربية): المذكرة مختصرة وزينة.. الدكتور حيييل يساعد.. الله يجزاه خير.. الإمتحانات سهلة ومباشرة مقالي وموضوعي.. يطلب بحث تشاركين فيه مع مجموعة بنات ما يصير بروحج.. تسلمينه آخر الكورس بدون مناقشة.. باختصار الدكتور طيب ويساعد.. (بس على فكرة يطرد اللي تدخل بعده)
ومشكورة يا مطيرية على الصفحة الحلوة استفدنا منها والله..
الله يجزاج خير إنتي والبنات..
خالد الشعيب احد يعرفه؟؟
محد يمدحه يقولون شديد
ياليت اللي ماخذه ميكانيكا سيارات عند ا.عبدالله العوضي
تعطينا رايها
وطريقة منهجه
بسرعه قبل يوم الثلاثاء
وجزاها الله خيــــــــــر
خااااااااااااااالد الشعيب خاللد الشعيب
مرحباا بنات …
انا تخصصي انجليزي ما صارلي وايد عندكم بس بحط دكاترتي:
1- طيبة صادق : عسل وتهبل صج ما تشرح وايد بس حبوبة تعاملنا مثل بناتها واذا مرت بالممر مرات اهيا تسلم علينا وتساعدنا يعني اذا غلطنا ما تحرجنا لا تصحح اغلاطنا وتعطينا فرص وواضحة وايد صج احبها هالدكتورة 🙂
2- نشوى راشد: تعطي فرنسي وروووووووعة هالانسانة المحاضرة ضحك ومسهلة الفرنسي لابعد الحدود ..
3- فاضل العثمان : امها داعية عليه اللي تاخذ عندة يعني اذا تبين احباط + قلق+ هم وغم وصقوط او قريد خايس اخذي عندة ..
4- امل العدواني : واااااااااااااااي كلمة انسانة قليلة بحق هالدكتورة احترام واخلاق وعلم وابتسامة طول المحاضرة ودرجاته حقانية انتي وشغلج 🙂
هذوول التخصص الى الان اللي ماخذتهم ..
العام :
1- محمد رجب يعطي تدريبات لغوية : انسان راع ومحترم ومثقف ويشرح عدل وانا ما افهم بالعربي مييييييييييييح نجحني وانا ما استحق حتى النجاح صج ادعيلة هالانسان 🙂
2- فوزي بو فرسن يعطي طرق تدريس : دكتور محترم وغشمرجي بس حقاني كل وحدة على حسب شغلها ويحب الابداع كل ما ابدعتي كل ما عطاج درجات واهم شي الالتزام بالحضور..
3- جمان : ناسية اسم ابوها بس ترى اهيا مرة مو ريال لوووول وتعطي اصوول .. شرحها نفس الكتاب اللي بالكتاب ترصة على اللوحة وراها وامتحاناتها سهلة من الكتاب تعطيج بو 3 اسألة بس كل سؤال 10 درجات وفووق..
4- عبدالله الملا يعطي ثقافة : والله كرهت اسم عبدالله منه انسان ظالم لابعد حد تخيولو كنت شادة حيلي وبكل امتحان احل الاسألة باللي مطلوب وكان يعطيني صفر لما اقوولة ليش يا دكتوور يقوول مو كابتة وايد؟؟ قتله بس المطلوب؟؟ يقول لا شوفي فلانة وفلانة والله العظيم يا بنات نفس ايجباتي بس شنو الفرق اهما خطهم كبيير وياخذون على السؤال صفحة وانا خطي صغيييير وسؤالين احط بالصفحة والبلوة انا طول عمري امتيازات بالاسلامية صدمني حاط اف؟؟؟
بنات كل ما اطلع وارد ابطل الصفحة وابي اكتب رد القى ايميلي مكتوب مكان الايميل وفوقة اسمي ؟؟ شكو متسييف؟؟ اخاف الكل يشووفة؟
ما يطلع إيميلج بس هذا قبل الموافقة على النشر
يا بنات شرايكم بهـ الدكاتره ؟؟ وأهم شي يعطون A ولالا ؟؟
سالم خداده ..
مشاري الحسيني ..
محمد الدغيم ..
حمد العجمي ..
بليز أنطر رايكم !!
سالم خداده يمدحونه بالعروض
مشاري الحسني البعض يذمه و البعض يمدحه
و الباقي ما أعرفه
فوزية التركيت محاضرتها مهضومة بس درجاتها ما ادري توني ماخذه عندها
السلام عليكم
ويعطيكم العافيه جميعااااااااااااااا
انا السنه ثانيه وتخصصي مكتبات ابي اعرف شرايكم بالدكتوره وسميه العباد لاني مسجله عندها هالكورس سكيولوجيه القراءه وماادري اهي زينه ولالا بليز ابي رايكم بسرعه لاني حدي متوهقه
وشكرااااااااااااااااااا
وعليكم السلام
هالدكتوره ماخذه عندها رفيجتي هالكورس
وحيــــــــــــــــــل تمدحها
بس شدي حيلج وهي ماراح تقصر معاج تعطي درجات
تخصصي علوم
بتكلم عن دكاترة التخصص لان البنات ماقصرو بدكاترة المواد العامه
د. احمد مرسي : اخذت عنده جولوجيا عامه رااااائع امتحاناته من النوت دايركت يهمه المشاركه بالمحاظره وبالفاينل رفعنا كل الطالبات قريد الي جابت بي بلس عطاها ايه ماينس
د.عماد الدين البلعا : اخذت عنده كيميا فيزيائيه اكثر من رائع امتحاناته من النوت كذلك مايجيب افكار جديده والمحاظره تنتهي واحنا ماودنا انها تخلص من حلاتها ظحك من اولها لي اخرها
د. حسن محمد : على مااعتقد اسمه جذي اخذت عنده هندسه تحليليه امتحاناته من النوت بس يغير الارقام ويشرح بظمير والامتحانات وايد وايد سهله ويوزع علينا اوراق هوم وورك ويحلها معانا والامتحان يجي منها
د. محمود ليله : يالهوييييييييييييييييييي اخذت عنده تكامل وتفاضل قمة الغثاثه مقروده الي تاخذ عنده لاشرح ولا تفهيم والي تساله عن شي يمسخرها ومايرد عليها ويركض ركض بالشرح ولا يعيد اذا موفاهمين واذا قلتي دكتور مو فاهمه مسخرج وخلاج هزؤ بس عدينا من الماده لسببين الاول لانها منهج رابعه ثنوي تكامل وتفاضل وانا كنت توني متخرجه من الثنويه والسبب الثاني ان امتحاناته من النوت مرات مايغير حتى الارقام كوبي كوبي الاتحان من النوت
ان شالله اكون افدتكم
فوزية الدريع وااااااااااااجد يمدحونها هههههه العن ابو المصخرة
حبايبي ادري اني دااشه عرض بس بسألكم عن دكاتره قوليولي زينين ولا لا
وشنو يعطون غير عهالمواد علشان اذا زنين اخذ عندهم مره ثانيه
امممم
شرايكم بجدولي؟
ثقافه اسلاميه : محمد الشطي هذا شرحه عجيب وبسرعه يمر الوقت بس قولولي شلون نظامه بالدرجات وشنو الماده الثانيه اللي يعطيها علشان اخذ
المناهج_ مشاعل العبيد والله ما امدحوها بس لمن حضرت عندها زوينه وسوالففها حلوه بس مدري عن الدرجات
أصول التربية عبدالعزيز الاحمد ما يحب اتأخر وانا مشالله علي كل يوم متأخره
قولولي عن الدكاتره من ناحية التعامل والامتحانااات
بليييييييييييييييييييز؟؟
انا مستجده توني متخرجه
من الثانويه نظام موحد ومادري شسالفه
ابي منو تعرف عن خالد الشعيب الله يخليكم
مشكورررررين عـ آلتقييم بنآت مآقصرتوآ آموآاااااااااااااااآح
بنات ماعليكم أمر بغيت أحسن الدكاتره حق تخصص التربيه الخاصه – تفوق عقلي –
فديتكم ساعدووني ;**
مرحبااااااااااااااااااااااااااااااااااااااااااا
إبصراحه منحرجه اني للحين ما كتبت تقيمي للدكاترة مع إني اكثر وحده حنيت ع التقييم 😦
بس إن شاء الله اوعدكم باقرب وقت إن شاء الله
وسووووووووري مطمط ويعطيش ألف مليووووووووووووون عافيه
يعطيييييييييييك العافيه بس ويييييين بنات التكنولوجيا ابي دكاتره التكنولوجيا 😦
السلام عليكم
انا توني مستجدة و بغيت اعرف الدكاترة الزينين بقسم العلوم و شنو يعطووون مواد ؟
مشكووورين
🙂
السلااااااام بنات شلوونكم؟
حبايبي حبيت افيدكم مثلما فدتوني
سليمان الشطي: اينن ما اقوول الا يا هنيالكم يا بنات الاسلامية فيه محاضرته عجيييبة
عبدالله الوتيد: يعطي كويت و تنمية حلووو شرحه بس ما يعطيج الا حقج و بس
جومان معرية: باختصاار شديد حسبي الله عليها و بس
يحيى ميرعلم: افضضضضل دكتور مر علي بحياااتي حببني بالقواعد و الله
عبدالرحيم محمد : واااااي يا حلاته يهبببببل انصح الكل ياخذ عنده يعطي مناهج بحث
عايدة العيدان: تكنولوجيا التعلم حلوة الدكتورة بس تفاجئنا بالفاينل باسئلة اهي حاذفتهم!!
نايف السهيل: يعطي حضارة حليو بس بالامتحان اييبلج بين السطوووور و تضيع عليج درجات وايد
نوال الرفاعي : تعطي انجليزي 1 بنات وايد ذموها بس انا طلعت منها بـ A بمجهوودي
فايزة خليل : تعطي انجليزي علمي و 2 تهبل تعاملها رااااقي مع الطالبات اغلب االشعبة اي و بي
حسني عطية: يراعي بس شرحه صفرررر
فاطمة هاشم علي: تهبل هالدكتورة و غصب تفهمين لان شرحها يرسخ بالمخ ناوية اخذ مواد عندها ان شاء الله
محمود حيدر : يمه يمه قلبي ينقبض اذا شفته يخررررررع و يدقر وايد بس شرحه و لا اروووع يعطي جبر خطي و امتحاناته كوبي النووووت
عماد الدين البلعا: يعطي كيمياء يهبببببل و يمر الوقت بسرررعة و امتحاناته سهلللة
علاء محمد: يعطي فيزياء عااااادي مو واااو و لا ويع نص نص لووووول
عبدالله العازمي: يموووت على شي اسمه غياب و كتابه ضعيييييف و هات يا تحذف مابقى الا يحذف المقدمة بعد وامتحاناته صح و خطأ
و يعطيج العافية مطمط
انا توني بس لي كورس واحد في الكليه فبكتب عن الدكاتره اللي أخذت عندهم ..
خآلد الشعيب :
أمبي إنحآآآشو عنه إنحآآآشو عنه إنحآآآشو عنه // أنا توني أعرفــه // قبل حسبالي زين // أهو بالمحاضره ok وشرحه ok ونفسيته ok وإمتحانه سهل سهل سهل شفتو للي يحدده معاكم في وقت المحاضره أهو نفسه راح يجي بالإمتحاان .. بس يمآآ شنو دقيييق
من قلب من قلب دقيق يعني كتبي له copy نفس اللي بالكتاب بالظبط إهني يالله تاخذين الفول مارك.. وقريدات البنات عنده حدها مو شي أغلب البنات D و F // بالعربي اذا تبين قريد مو حلو إخذي عند د.خالد الشعيب .. وطريقة إمتحانه إمتحان واحد عليه 35 درجه واذا جبتو درجه مو زينه يعيده لكم بس اذا كلمتوه يعيده وياخذ درجة الأحسن .. ويحاسب على الحضور والغياب .. الحضور والغياب والمشاركه عليها 10 درجات والتقرير خمس درجات ..
نوآف الجحمه :
د.كتور نواف زين ماعليه خوش وآحد وطيــب بس يبي الوحده تحضر مايبي البنات يدشون الكلاس مو محضرين إمتحاناته على حسب تصويت السكشن الأكثريه يبون مقالي يخليه مقالي واذا الأكثريه موضوعي يخليه موضوعي // إمتحاناته سهله ومكرره // يعني إذا شعبه قبلكم ممتحنين عنده يجيب نفس إمتحانهم // والسلبيه الوحيده اللي فيه إنه يطلب تقرير وتناقشينه وااي ماحب أناقش // وحقاااني حقاااني حقاااني مايعطيج أكثر من حقج ولآ أقل من حقج يعطيج حقج اللي سويتيه في الكورس لآ أكثر و لآ أقل // وحذف شكثر من المنهج ونظآمه إمتحان واحد عليه 30 درجه و10 درجات حضور وغياب ومشاركه و10 درجات تقرير ومناقشة تقرير
وإذا غبتي يخليه مقالي ..
عبدالله العازمي :
غيابه أكثر من حضوره // المنهج أغلبه محذوف وأغلب الكتاب كله قراءه // ووقت المحاضره ساعه اهو يشرح بربع ساعه ويطلع // والمحاضره مايشرح بس يقرا او يخلي بنت تقرا // نظامه : إمتحان واحد 25 درجه صح وغلط و25 درجه الثانيه حضور وغياب والمشاركه والتقرير والفاينل 50 سؤال صح وغلط .. وأغلب السكشن عنده A ولآ B وإذا غبتي يخليه مقآلي ..
نجآة الشلفان :
اوفـ قطيعه المحاضره عندها ممله // وقريداتها مو شي // نظامها إمتحان واحد عليه 30 درجه موضوعي ومقالي و20 درجه على الحضور والغياب والتقرير // والفاينل اغلب الإمتحان موضوعي وسؤالين مقالي // مآ أنصحكم تآخذون عندها ” إنحاشو ”
رآويه الحميدآن :
ختامها مسك
روعه عسسسل طيبه أخلاقها عاليه روحها حلوه ياليت كل الدكتورات في الكليه نفسها
عسسل عسسل عسسل .. لو أتكلم مني لي باجر مراح أوفي حقها
تقسيمة الدرجات : 50 درجه موزعه على الامتحان والامتحان عليه 15 درجه ” موضوعي ” والواجبات اللي اهي اوراق العمل والواجبات اللي تكون بالإيميل ودخول موقع الـ wiki كلهم وفي شرح عندها جذي يصيرون 50 درجه وعندها بونس اللي ماتغيب ترفعها ..
وبس هيدا اللي اعرفهم ..
يعطيكم .. الف الف عاافيه على الشرح كفيتو ووفيتو وعسااج على القووه يا مطمط فديتج والله واغلب الدكاتره الي كنت ماخذه عندهم اشرحووهم البنات وكفو ووفو وبقوولكم عن هدكاتره
غنام الغنام : ( اصوول تربيه ) شرحه كلش مو شي المنهج مذكره ضعيفه وخفيفه امتحاناته سهله حييل وهم الفاينل سهل يحااسب على الغياب يعني تقدرين تضمنين a 🙂
خالد المريفع : ( مقدمه في تكنولوجيا ) بالمختصر اخذي عنده وانتي مغمممممممممضه روووعه هدكتور حيل حيل يرااعي ويعطي درجات وامتحاناته سهله وتضمنين a 🙂
سوسن التركيت : ( مناهج بحث ) تهبل هدكتوره عسسسسسسل عسسسسل وتسهل عليكم الماده امتحاناتها سهله تاخذ الغياب يوميا وتخلص المنهج بسرعه وتعطلون بسرعه يعني انصحكم فيها
خالد جمعه : ( تدريبات لغويه ) بنات نصيحه نصيحه الي ما تعرف شي بالقوااعد اخذي عند هدكتووووور يأسسج عددددددل وربي يشرح بضمير وشرحه رووعه وتعرفين القواعد عدددددددددددل بس امتحاناته فيها صعووبه
فوزيه تركيت : ( علم نفس ) رووعه رفيجتي حييييل حييييييل تمدحهااا وانا ان شااء الله ناويه اخذ عندها
بسم آلله على بركة آلله نبدي آلكورس آلثآني لـ آلعآم آلدرآسي 2009 / 2010
كل عآم وآنتم بـ خير وآن شآلله نستفيد جميعآ
بغيت اسال مادة تكنولوجيا التعليم عند منو اخذها ؟؟؟؟
ومادة تربية صحية عند منو ؟؟؟؟
ومدخل علم النفس ؟؟؟؟
وبس وشكرا
ماخليت شي هههههههههههههه
بلييييييز بنات منو احسن الدكاتره حق هذيل المواد :
عبادات في الاسلام / الاحوال الشخصيه / الحديث النبووي الشريف
بنات تخصص الاسلاميه بليييييييييييييييز ساعدووني
توفي عبآدآت عندج آلوصيص ، آلآحوآل خآلد آلصآفي ، آلحديث أسآمة آلكندري أو محمد آلشطي
هديل آلكويت مدخل عند تغريد آلرفآعي ، تكنلوجيآ أمل آلحمآر
بنآآآآآآآآآآآآآآت جزآكم آلله خير آلموقع لـ آلتقييم يعني قيمي وآسألي نبي يكن فيه تقييم مو أسئلة بس جزآكم آلله خير هـ آلمدونة تفيد ورآنآ طلبة أبيهآ تكون مفيدة وآلله يعين بعد آلتسجيل بـ عدل ردود كثيرة عشآن تكون مفيدة
صبـاااااح الخييييييير
شلونكم بنات ؟ انا سنه 3
ماشاالله ماقصرتوا تكلمتوا عن الدكاتره الي أعرفهم كلهم ماخليتولي شي خخخخ
عبدالله حسن , توب بالشرح , بالاختبارات , بكل شي , انسان رااااااااااقي جدا ومحترم ولا ازكيه على الله . اختباراته ناسيه الطريقه بس يعيد الاختبار للي درجتها مو زينه .
طارق العمر : عطاني الـ A بالتجويد الحمدلله لاني زينه بس انا الاحظه يهتم بالبنت الي تكون ضعيفه يعني مايهملها ويحاول انه يحسن من مستواها واداءها , جزاه الله خير .
غانم الشاهين : شرحه حلو وخفيف ويعطي درجات , محاضراته حلوه , هم جزاه الله خير . واختباراته على اللي انتو تبونه حسب تصويت الطالبات .
========
بس بغيت اسألكم عن نايف الدوسري ؟ محد تكلم عنه الا وحده قالت عادي ! ماتفيدنا كلمة عادي
بنات يزاكم الله خير لو تحطون اسم الدكتور مع الماده اللي يدرسها احسن لان احنا تونا مانعرف الدكتور هذا شنو يعطي وجذي فنضطر نسال والموضوع محطوط حق التقييم مو للسؤال فاتمنى تحطون اسم الدكتور مع الماده اللي يدرسها فمثلا الدكتورة لطيفة الكندري ممتازه في اصول التربية وتطور الفكر التربوي الاسلامي اما في مادة مناهج البحث زينه بالشرح بس صعب انج تسوين خطة البحث فماتطلعين منها بسهولة وهكذا
وشكرا
اليوم بتكلم عن مجموعه من دكاتره :-
دكتوره ناديه العتيبي ماده ( انقلش99)انا خذيت عندها هل ماده هدكتوره عسسسسسل تهبل وربي مو طبيعيه انصح كل وحده تاخذ عندهااا امتحاناتها سهله تعطيكم 3 كوزات ويكونون سهلين شرحها يهبل الغياب عندها شي مهم يوميا تاخذه وتحااسب عليه تقول الي ما تغيب ولا مره ماتمتحن اخر كوووز اشيله منها وطيوبه وتسااعد بس حيل حيل دقيقه على الغياااب
دكتور سالم بوعويان او سالم المهنا ( طرق تدريس تربيه اسلاميه ) خوووش دكتووره امتحاناته سهله يعطيج امتحان ميدتيرم واحد ويكون سهل الفااينل سهل بعد وحذف لنا اشيااااء واجد من الكتاب يعني لما درسنا الفاينل كانت الكميه شوويه ولازم تشريحين طبعا وهويحب الشرح على البوربوينت والحمدالله خذيت عنده A وصراحه انصحكم فيه
دكتور غانم الشاهين ( تطور فكر تربووي ) الكورس الي طاف خذيت عنده يقوول انه احتكر الماده خوش دكتور امتحاناته يعني سهله حق الي تدرررررس عدددل واحلى مافيه انه ما يطلب بحث يكون اخر الكتاب المقرر في اسئله هو حاطهم تحلونها وعلى كل سؤال 4درجات يعني المجموع 20 درجه تاخذينها بسهووله واخر شي لما تروحين تشوفين قريدج يحطلج كل شي جم خذيتي بالامتحان ووجم عطاج بالاسئله وجم عطاج بالغياب يعني كل شي واضح عندج واذا ناقشتيه وحس انج على حق يغيرلج الدرجه
دكتور عبدالعزيز الاحمد ( الاداره التربويه التعليميه) ياخذ الغياب بشكل يومي ما يحب التاخير يقولكم سوو تقرير حطو فيه مقدمه وخاتمه عليه 15درجه امتحانين ميدتيرم سهلييين امتحاناته بس يعطيج كميييييييه ولا يحذف شي والي درستيه بالميدتيرم معاج بالفاينل يعني صج كميه بس الامتحان يكون سهل اخر شي يعني نصيحه ادرسو اول باول محاضرته حلوه كله يسوولف وهم في دكتور ثاني يعطي نفس الماده هو فهد رويشد يقوولوون مو متشدد مثل دكتور عبدالعزيز لو قدتي تاخذين عنده اخذي
عبدالله حسن ( السنه النبويه وعلومها) صراحه الماده هذي صعبه بس الدكتور والله يا بنات مبسطها حييييييييل حتى مسوي لنا مذكرات فيها مختصر كتاب المقرر يلغي من الكتاب يعني حذف اشيااء وشرحه قمممه قمممه بس يبيلج تتنتبهين معاه يعطيحرمات ياخذ الغياب ومتشدد فيه يحاسب على التاخير مايحب الي تاخررر يعتبره سلوك سلبي لوول يعطي امتحان واحد ميدتيرم من40درجه والي حابه تعيده عادي يعيد لها وامتحاناته سهله اذا البنت درست عددل وهم امتحان الفاينل سهل يعني هل ماده اخذوها عنده لانه يلخصها لكم وسهلها عليكم
وبس .. ولي عوده ان شااء الله
سووري على البدليات ههههههههه ترى عبدالله حسن يعطي حرمانات بس هذي البليه الي ماكانت واضحه خخخخخ
الحين اكمل تقييم دكاتره الي خذيت عندهم :-
دكتور حجاج العجمي ( مهارات دراسيه ) شقووووول وشخلي بحق هدكتووور وربي يا ليت كل الدكااتره مثثثثثثثثثثثثثله ما اتوقع راح يتكرر الي معدلها نازل وتبي ترفعه تاخذ عنده وهي مغمضه وخصوووصا هل ماده نصيحه يا بنات لاتاخذونها الا عنده وبس امتحاناته قممه في سهووله يعطيج سؤال تكتبين فيه راايج يعني تكونين ظامنه درجته امتحان واحد ميدتيرم تاخذ الغياب بشكل يومي بس اذا غبتي عنده بمحاضره ورحتي شرحتيله سبب الغياب يشيل اليوم الي كنتي غايبه فيه من غير عذر طبي حيييل متفهم ومرن تقدرين تاخذين وتعطين معاه عكس باجي دكاتره اذا ناقشتيه بس يسووي سالفه وامتحاناته سهله حتى الفاينل سهل يعني تظمنين Aعنددده وعادي عنده لو يعطيها السكشن كله بالمختصر خووووش دكتور عسى الله يوفقه دنيا واخره
نواف الجحمه ( حضاره عربيه اسلاميه ) انا خذيت عنده هدكتور اول ما تعين عندنا يعني انا كنت اول دفعه يدرسها هدكتور كنا حيل خايفين منه عطانا سؤال واحد ميدتيرم من 40 درجه بس الامتحان كان سهل حييييييييييييييييل وما كان يطلب منا شي الحين رفيجتي خذت عنده تقوول صار يطلب برزنتيشن ومادري شنو بس الي يمتاز فيه انه امتحاناته سهله لحد الحين
مهدى العجمي ( كويت وتنميه ) خوش دكتور والله امتحانه صح وغلط مباااااشر حيل نفس الي بالكتاب ما يلف ودور بالاسئله صراحه هل ماده دسمه حيل وبالنسبه لي احسن دكتور يعطي طويت وتنميه خذيت عنده A 🙂
وبسس خلصت كل الدكاتره الي خذيت عندهم … وعسى الله يوفق الكل ؛)
السلام عليكم ما تلاحظون محد كتب عن دكاترة البدنية بليز ضروري اللي اتعرف الدكاترة الزينين اتقول
السلام عليكم
أنا بكتبلكم عن دكاترتي تخصصي انجليزي:
دكاترة الانقلش :
1- سلوى درويش : حقانيه ماتزيد وكل اسبوع تبي شرح ومسرحيه
و لويه وتخرع بس واااااااايد راقيه وحبوبه للاسف
خذيت عندها أول كورس خلتني أمثل مسرحيه
وحدي بدعت ههههههه من يومها وانا ماشرحت
ولا ماده من كثر الخرعه ههههههه
2 – فاضل العثمان : لااااااااااااا يحوشكم يابنات حده شقول ؟؟؟
حسيت اني بالجحيم دااااااايما يحبط ويفشل فينا
ويعاملنا بدنيويه
3- خالد شقير : من احسن الدكاتره ويراعي الظروف ويونس بالشرح
بس مايزيد بالدرجات
بنات حابه اسالكم واتمنى انه احد يعطيني طريقه هالدكتور بالدرجات
راشد الصانع : كويت وتنميه
شرايكم فيـه ؟
تنصحوون فيه ولا اسحب الماده ؟
مرحبااا بناااات شلونكم شخباركم
انا مستجده وبقولكم عن الدكاتره الزينين واللي كريمين بالدرجااات
عبدالله العازمى >>>>> اصوال التربيه
حسن عبد الرحيم >>>> مدخل علىالنفس
روايه الحميدان>>>>>> مقدمه تكنولوجيااا التعليم
اماا البخلاااء ياعينى على الاسلوووب
خالد شعيب ونواف الجحمه >>>>>> بصراحه مافي مراعي لضروف الطالبه والدرجه ما تطلع منه
بنااات واللي يسلمكم
ابى هالدكاتره شلونهم من دكاتره >>>>>> بتخطب حشااا مو كليه ههههههههههه
غانم شاهين
خالد جمعه
حسن هندواي
وشلون طريقه شرحهم وكريمن بالدرجاااات؟؟؟؟؟
الله يجزااها كل خير اللي ترد على
قوووه بنات
ابي كلمه حق لخالد الشعيب انا مستجده وجدولي ثابت يعني مجبوره على هالدكتور
ريحوني بليزز
بالنسبه للاخت اللي تكلمت عن خالد الشعيب
ليش ننحاش عنه مادام كل شي زين اما للامتحان ماطلب الا حقه
بنات اللي عندها اي سؤال عن تخصص رياض اطفال تسال لا تستحي لوول
قوه بنات ..
بغيت اسأل عن بنات تخصص الحاسوب ؟؟!
وينهم مو مبينين ؟! نبيهم يفيدونا ؟!
حبيت اشكر مطيريه ماركه وكل البنات اللي فادونا ونشالله راح ارجع مع تجربتي مع الدكاتره
بنات الله يجزاكم خير انا باخذ كله كله مواد عامه لأني ابي احووول
..
بليز شرح تفصيلي لكل دكتور
..
عائشه الانصاري (تدريبات لغويه)
..
سعود العنزي (كويت وتنميه)
..
عبدالله العازمي (أصول التربيه)
..
فوزي الدوخي (مناهج)
..
مبارك الذروه (مناهج بحث)
..
والسؤااال الاهم..عادي لو خذيت مناهج ومناهج بحث ولا ثقيله؟؟..لأن سمعت انه كلهم يطلبون بحووووث
..
ومشكووره حبيبتي مطيريه ماركه الله يوفقج على هالمساعده
..
بليز بنات همتكم
حبيبتي شمووخي تعداك
..
خالد شعيب انا ماخذه عنده وعطاني A..كنت مثلج مستجده وجدولي ثابت وخرعوني منه البنات..بس بقولج كل شي عنه تطمني
..
الغياب: بالنسبه له مهم جدن جدن ويعطي بووونس في نهايه الكورس للي غياباته شويه او بالاحرى ما تغيب ( والبونس زيااده 5 درجات)
..
امتحاناته: يعطيج ورقه فيها 3 الى 5 اسإله فقط بس جاوبي بالشرح على كثر ما تقدرين لا تخلين معلومه بمخج الا وقوليها والله الله بالامثله والادله سواء احاديث او آيات قرآنيه..واللي يقولج بالمحاضره عن درس معين انه مهم ترى ميه بالميه جاي بالامتحان حرفياً يعني انتبهي لملاحظاته زييين ولا تطوفج.. واذا ما جبتي درجه حلوه بالامتحان الاول يعطيكم موعد لامتحان ثاني ويكون غالبا اسهل من الاول عشان تعوضون درجتكم الاولى..وامتحاناته فقط امتحان واحد اللي هو الشهري ( الا اللي تبي تعوض الدرجه الاولى يعطيها امتحان ثاني تعويضي واللي ما تبي كيفها تثبت درجتها الاولى ) والامتحان الثاني بنهايه الكورس اللي هو الفاينل.
..
شرحه: حلو وينكت ويعلق على بعض البنات بس انتي خليج مؤدبه وهاديه واسإليه بثقه اذا عندج سؤال واذا بتجاوبين ارفعي يدينج لانه ما يحب كثره الهذره ترى يفشلهم يقول ( انتو سيلانيات تتكلمون مع بعض ) لووول ..ويعطي تكاليف بين مره ومره (تكاليف يعني واجبات وتكون على طريقه سؤال يسالكم عنه وانتوا تروحين النت او اي مكان وتطلعون الاجابه وتكتبونها بورقه مع السؤال واساميكم تحتها وتعطونه على بدايه المحاضره الثانيه وهو يجمع التكاليف ويعطيكم عليها درجات بنهايه الكورس)
..
نصايحي لج: خليج بالكراسي الاماميه ووضحي له انتباهج معه وخليج مصحصحه لانه يميز حيييييل بين البنات
..
تجربتي معه: اول امتحان خفس فيني شوي لاني ماكنت عارفه نظافه وجوابي ماكان فيه ادله ذاك الزود ومختصره شوي..فا عطاني 27 من 35 ..بس اخر الكورس سااااعدنا حيل وامتحانه كان سهههههل حيل حيييييل
..
اوووو بس هذا كل اللي عندي واتمنى انج استفدتي من تجربتي معه 🙂
..
بالتوفيق
🙂
سعود العنزي : وييييييييييييييييييع كله يتكلم عن نفسه انا سويت وسويت وشديد بالغياب ومايقبل ورقة الطبية
محمد نعناع: خوش دكتور اسئلة مباشرة
منى الجناعي :خوش وحدة وحبوبة وامتحاناتها موضوعي
يحي ميرعلم: شرحه روعة ومبسط
لطيفة الكندري: تهبببببببببببببل
عبدالله العازمي: انصحكم اخذوا عنده روعه
حمود العنزي: موشي
سلام عليكم بنات :
أنا سنة ثانية تخصص انجليزي بكتبلكم عن دكاترة المواد العامة
بشرحلكم بالتفصيل و ان شاء الله تستفيدون :::::: :
1— الحضارة العربية الاسلامية : 0000عبدالمرضي زايد)00000
محاضرته حلوه وشرحه حلو , يحذف وااايد من الكتاب ,
يكره التأخير وعادي يطرد ويزف واذا وحده رن تليفونها
ينقص الكل درجتين وأخر الفصل يشيلهم
امتحاناته : سهله مثل مايعطينا بالضبط مقالي وموضوعي
بس لاااازم تركزين بالموضوعي
مع اني ماخذه العلامات الكامله تقريبا عنده بس عطاني B+
—————————————————————-
2— الكويت والتنمية 0000 زبيدة اشكناني 0000
الكل خرعني منهاااا وقالي مو زينة بس لقيتهم واااايد بالغوا
بالعكس زينة وعادية , و بحكم سنها ولأنها جدية يمكن البنات
ماحبوا محاظراتها
امتحاناتها : مقالية , شوي فيها تركيز ولااااازم تشرحين يعني
بحدود فقرة طويلة على كل سؤال , أنا كتبت تعبير ههههههه
واحد عليه 25 والثاني 15 وعشر على الغياب
طريقتها بالشرح : الحلو بشرحها انها تقول معلومات عامة حلوة
وسوالف عن الكويت قبل يعني راح تستفيدون , ما تحب وحده
ماتنتبه معاها أو تعلج بس ماتغلط عليج
عموما الماده كانت حلوه عندها والحمدلله خذيت A
————————————————————————
3– الثقافة الاسلامية 00000 زاااايد العازمي00000
محاظراته وشرحه : من أروع الدكاترة الي مروا علي الله يوفقه ويسعده
شنو طيب شنو يراعي الظروف ماشاء الله عليه يهبل
محاظرته تونس تحسين انج بمحاظره دينية يقولنا النقاط واحنا نكتب عنده عنده امتحانيين و 10 على تسميع آيه
كل الامتحانات لي نهاية الفصل بالضبط مثل ماعطانا سهله اذا
درستيها وحاذف شكثررررررررررر من الكتاب في دكاتره غيره يحاسبون
على الحرف الناقص ويعطون بالضبط مثل الكتاب والكتاب حده صعب وما
تقدرين تستوعبينه اهو يختصر ويعطينا ملخص الملخص
الغياب : ياخذ الغياب اخر شي وتخيلوا في بنات على اخر دقيقة
يحضرون ويسجلهم حضور , اذا وحده تعبانه او تبي تطلع ترفع
ايدها ويكتب اسمها ويطلعها عادي , يحفظ أشكال البنات حتى
المتنقبات انا كنت قاعده اخر شي والقاعه مترررروسه وكلش
ما أشارك أو اسأل بس حفظ اسمي
(((( أنصحكم تاخذون عنده ))))))
– ——————————————————————-
4– مناهج البحث 000000 حسن عبدالرحيم شي جذي نسيت 0000
ررررررررررررررررروعه أحسن دكتوووووور حق هالماده الي تبي A تاخذ
عنده سويله بحث عادي وغيبي بس مو وايد ودرسي عدل مو شرط
العلامة الكامله يسااااااعد وااايد بالدرجات محاظرته تونس
دايما مبتسم و كلش مايعصب ولا يفشل أحد راح تحسين انه مثل
أبوج مع اني ماسويت بحث عطاني A بس بالامتحانات كنت ماخذه
العلامات الكامله
————————————-
ان شاء الله بعدين أكمل
يعطيج العافيه مطمط … ما قصرتي حبيبتي وبميزان حسناتج ان شااء الله
ادري حددي متاخره..
بس بقوول الدكاتره اللي جريتهم
الدكتور حسن هنداوي ~~> نحو1
.. تقسيمته للدرجات 10 ع الحضور و40 مقسمه على امتحانين ..
شرحه حلوو وهادي .. يقدر الظروف
الدكتور أحمد الكندري ~~> الكويت والتنميه
خوش دكتوور وشرررحه يهببببببببل محااضرته تهبببببل
تقسيمته للدرجات : 5 حضور .. 10 كويز . 30 ميدرتيرم
5 برزنتيشن ..
كميه واايد وامتحان مقالي وموضوعي ووااضح .. يعني اللي دارسه ما راح تضيع بالامتحان
بس فيه عيب هالدكتور احيانا يقط كلام بالمحاضره .. بس طووفوو
الدكتور عمر الكندري ~~> ثقافه اسلاميه
رووووووووووووووعه رووووووووووووعه هالدكتور
قمه بالاخلاق اسلووبه شرحه كل شي كل شي حلوو ما تملين من محااضرته
ما ودج تخلص المحاضره ..
تقسيمته للدرجات 40 امتحان و10 حضور
وامتحانه سهل كلا صح وغلط واختياري
الدكتور فيصل البنــآي ~~> مقدمه في تكنولوجيا التعليم ~> طبعا منتدب
محاضرته ممله وودج تنامين.. بس خووش دكتور يقدر الظروف ..
تقسيمته للدرجات 40 مقسمه على امتحانين
5 حضور … 5 ع الواجب
بنــات عفيا بغيت اسألكم
محد تكلم عن الدكتوره اقبال المطوع ثقافه اسلاميه
بليـــز ردو علي ضروري 😦
بنات ابي اسأل عن الدكتوره خديجه العلي من قسم التكنلوجيا او ابي رد بليييز :§
قووووه بنااات شلوونكم شخباركم
المهم حبيت اسال البنات عند دكاترتي
وليد العنجري _ مواقف من حياه الرسوول
عبدلله العنجري _ علم نفس اجتماعي
مهدي العجمي _ كويت وتنميه
تجويد قران _ طارق العمر
علوم القران _ احمد الجمل
تدريبات لغويه _ هزاع المرشد
ومشكوورين
انا تخصصي حاسوب والله مادري انا اعطي طااااااف حق اكثر المحاضرات مقزرتها هياته بالجمعيه وقز المهم الدكتور سعود العنزي يهبللللللللللللللللللللللللللللللللل وشرحه ok
انا اقول لو تطلعون معانا جمعية الشاميه نقعد نفتر ونضبط نفسنا عند الدكاتره انا اكثر محاضراتي ما احضرها بس ما يحطولي غياب مضبطتهم لا للدراسه نعم للهياته والقز بنت خالي ذابحه نفسها بالدراسه الله يعينها
هاااي حبوبات شلووونكم
ابي رايكم بالدكاتره زينين والا لا واشلوون درجاتهم واسلوووبهم
علم نفس اجتماعي عبدالله العنجري <<يا كرهي له ويا محاضراته
مواقف من حياه الرسووول وليد العنجري
الكويت والتنميه مهدي العجمي
تدريبات لغوويه هزاااع المرشد
علوم القران احمد جمل <<~~ يا غثه ومحاضرته تنووم يخربط كلام سريع
تجويد القران 1 طارق العمر << عصبي وطوول المحاضره زف زف
السلام عليكم
الي تسأل عن هزاع المرشد أنا ماخذه عنده
هالكورس والله شرحه حلو ويونس امتحانه
حييييل سهل ماي ان شاء الله الفاينل نفس الشي
انا كنت ماخذه هالماده عند رجب محمد شكثثثر كميه
هزاع وااايد مختصر الماده ومسهلها
بسم الله
ابكتب عن الدكاتره اللي اعرفهم
**دكتور اسامة عبدالرحيم ( ثقافة اسلاميه): يجنن ومحاضرته ماودج تخلص صج صج روعه ودرجاته حلوة يعطيج حقج وامتحاناته سهله ويحذف فصول و والصراحه الماجة خفيفه معاه ويسهلها واهم اهم اهم شي تكتبون معاه لان امتحاناته من الشرح اللي بالمحاضرة وامتحانه مقالي وموضوعي امتحانين وفاينل بس صج روعه انصحكم فيه ،،
مرحبا بنات بسألكم منو احسن دكتور لمناهج البحث
عيدالهيم ولا حجاج العجمي ابى طريقه كل واحد فيهم
وشرايكم براكان المطيري حضاره
وعبدالرحمن العلي مناهج
هاايووو بنوتات
بقووولكم جدولي الكورس الجاي وابي رايكم
تطوور فكر تربووي اسلامي – بدر العازمي
مناهج بحث – حجاج العجمي
انجليزي – مي الحجيلان
خط عربي حمود العنزي
ابي طريقة نظامهم اسللووبهم كميه الاختبار وسهل والا صعب
موضوعي والا مقالي
وان شاء الله اضيف بالسحب واقوولكم بعد منووو ضفت لوووول
مافي احسن من الدكتورة سامية السنافي تعاملها راقي مع الطالبات متمكنة من مادتها تخاف اللة في درجاتها و انا ما اسمح لج ادقولين عن الدكتورة سامية هذا الكلام البذي اللي ما يصدر الا من طالبة حقودة كسلانة مثلج
السلاااام عليكم
ابي اقولكم نصيحه اخت لاتأخذون عند د.الرجيب
موزين بالخط العريض والله انه ظلمني وليوم القيامه بركبته حضور من احسن مايكون بحث من احسن مايكون وكل شي من احسن مايكون بس اللاسف عطانيD ليش مادري واصلا اهو كل يوم ورقه للغياب ولايدري ولايعرف يشرح عدل عساه الله لا يسامحه
دكتوره اعتداال (ثقافه موسيقيه) خوش دكتوره مسهله الماده حييييييل 50ميدتيرم 50 فاينل هذا تقسيم درجات واختباراتها حيل سهله وتضمنين aعندهاا
دكتور عيسى زكي (احوال شخصيه) يعطي 2ميدتيرم وعليهم 15 درجه اثنينهم امتحاناته حدهاا سهله بس صدمنا بالفاينل شووي صعب وطلب منا بحث عليه 15 درجه وعطانا 5 درجات بونص البحث شوي معقد ويبيله جهد
سالم خداده (عروض وقافيه)الله يسامحه عطانا 9 بحوور 😦 وااجد صراحه وبخيييييل حيل بالدرجات بس اختباراته سهله
حمود العنزي (الخط العربي)مقعدددد الماده ما تستاهل هتعقيد لازم تدربين عددددل ما يهمه جمال خطج اهم شي انج تعرفين شلوون تكتبين لحرف وقواعد الخط تدربي عدل عشان تمكنين من الخط يعطيكم بس خطين خط رقعه ونسخ بس
مرحبا حبوبات
طبعا تخصصي رياضيات وبتكلم عن الدكاتر اللي خذيت عندهم
مواد الرياضيات:
فاطمه هاشم: ( هندسة تحويلات ) بصراحه خووووووووووووووووووووووووووووووووش دكاتره اللله يعطيها العافيه وايد تهبل صج اهي شديده بالمحاضره بس تهبل تطلعين منها بالمحاضره حدج فاهمه وكل اسبوع في كويز يعني اللي ماتدرس لازم تدرس وبالنهايه تجمع احسن 5 كوزات وتقسمهم كل كوز عليه 5 دراجات
المديترم عليه 20 في اثنين و10 درجات كوز والامتحان فاينل وطبعا تقوم البنات يحلون على اللوح وتعطي سؤال بالمحاضره اول 5 بنات ياخذون نجوم وكل محضره جذي عاد بعدين اخر محاضره تجمع النجوم وتعطي بونص يعني بصراحه تهبللللللللللللل
الدكتوره ايمان العنزي: ( رياضيات ابتدائي 1 ) كدكتوره حلوه ومحاضرتها نفس الشي اسلوبها راقي تسولف وتضحك بس بالدرجات كلش موشي
انا يبت بالمدتيرو 19 والثاني يبت فيه 19.5 واثنينهم من عشرين يعني انا يايبه 38.5 من 40 وحليت عدل بالفاينل كنت دارسه صج وبالنهايه عطتني سي انقهرررررررررررررت حدي وماغبت عنده ال محاضرتين والله قهرتني الله يسامحها
دكاترة العلوم:
نبيله الزامل : ( كيمياء عامه ) خوش دكتوره بس اظلمتني وايد مو بس انا الكلاس كله والله والله والله بدون مبالغه الكلاس كلا سي ودي ثنتين اي ووحده بي والباجي سي ودي واف
طبعا طول الكورس تعطي 4 امتحانات كل امتحان من 10 عقب كل فصل وتقولج لاتعتمدين ع الكتاب اعتمي ع محاضرتها و40 درجه الفاينل و20 درجه المختبر
دكاترة المواد العامه:
عيسى زكي: ( ثقافه اسلامية) زوين يشرح وعادي بس االمتحان يبي كتابه وايد يعني انا احس ان ظلمني
حنان الحربي: ( مناهج بحث) حبووووووووووووبه وايد تطلب بحث عليه 15 درجه و10 درجات غياب ومشاركه و25 امتحان وبالامتحان تساااااااااااعد وايد وايد
ساميه السنافي ( مناهج ) دكتووووووووووووووره مادريه حدها همها بس الفلوس
وتتطلب
يعني تطلب منج مشروع يا ادشين معرض يا بحث تسوينه بالورد وبالبوربوينت عليه 20 درجه والمدتيرم عليه 20 درجه و10 درجات تشرحين درس واذا نفست على بنت الله لايوريكم النفسيه والفاينل مالها خمسين سؤال اختياري تعطيج مذكره فيها حول 300 سؤاتل وتييب منهم 50
اذا يبتيلها كل اللي تبي تضمنين الاي عندهابس ما تنعطا وي يعني ما انصحكم فيها
حسن هنداوي : ( تدريبات لغوية ) خوش دكتور محاضرته حلو وتفهمين منه امتحانين كل واحد عليه 20 درجه و10 درجات مشاركه وبالمحاضره يسال اللي جاوب يحطلها علامه وبالنهايه يجمعهم
يعطي ايه وحديث وقصيده حفظ بس مو اجباري وما يحاسب عالغياب وايد يعني يقولج انتي من حقج 9 غيابات عقب ال9 غيابات تعالي حاجيني انصحكم فيه
مها غنام : ( كويت وتمية ) كاسلوب اعجبتني محاضرتها وااااايد حلوه ادش بعد المحاضره بربع ساعه وتطلع قبلها ب 10 دقايق يعني محاضرتها تقريبا نص ساعه وايد حبوبه بس ما تحب السوالف الجانبيه وامتحاناتها تعتمد على حضورج يعني كل شي تقوله كتبي والكتاب بس قرايه مو مهم امتحانها اول شي اختياري بعدين اكملي الفراغ بس في نقاط وعقب صح وغلط وكلا من النوت مالج عليه 35درجه و5 درجات على الواجب يعني بين جم محاضره ومحاضره تعطي سؤال انحله من النت وانسلمه لهاالمحاضره اليايه واللي تسلم الواجب حتى لو كانو غلط تضمن الخمس درجات
و10 درجات على الغياب كل محاضرتين بدرجه والفاينل نفس المدتيرم بس فيه بونص
واخر محاضره تقول البنت اللي مو حاطه كبه بعطيها بونص درجتين لووووووووول ولما تروحيلها قبل لاترصد الدرجات واهي تعرفج ترفعج من قريد لي قريد
فوزي الدوخي: ( طرق تدريس الرايضيات) بصراحه يخوف يعني يفهم البنت من عينها ما يهتم بالكتاب كل شي من فهمج
عنده 10 درجات على شرح جماعي من 8 مجموعات يعطي مفهوم معين والكلاس كله كل مجحموعه تشرح فيه
وعنده 10 درجات بعد على شرح من 4 بنات يعني يطلب اي طريقة تدريس اطلعينها من كتاب او النت وتشرحينها ع 4 بنات
وعنده 20 درجه شرح اي درس من كتب الرياضيات للابتدائي انتي تختارينه تحضرينه وتكتبين فيه كل شي اهداف وطريقة العرض والمقدمه والتمهيد والشرح والتقويم والواجب يعني جنج مدرسه وتشرحينه بادواته بكل شي
و40 درجه على امتحان الفاينل يقول كل طالبه ابيها ادش تكتبلي برشمه صفحه وحده كل شي بالكتاب وياخذها يدبسها بورقة الامتحان بس ما يبي بالامتحان تكتبين نفس اللي بالكتاب يبي بفهمج انتي
خوش دكتور بس لازم تمشين سيده معاه
وبس سلاااااااااامتكم اتمنى اكون كفيت ووفيت
معاج حق بخصوص ساميه .. كل شى بفلووس
جزآكم الله خير على هالتقيم ومآ قصرتو والله سويتو خدمه كبيره للطلبه والله يعطيكم ألف عآفيه ..
فديتكم كلكم لآ خلآ ولآ عدم على آلتقييم ، آن شآلله قريبآ بِ حط لكم موضوع خآص في آلتربية آلعملية في مدونتي 🙂
السلام عليكم
دورات الفنيه بالتطبيقي وين يتم تسجيلها؟؟؟
وكم سعرها؟؟
السلام عليكم
بنات حبيت اسأل عن الدكتور “طارق العمر تجويد” ؟؟
و يعطيكم الف عافية 🙂
يعطيكم العافية:)
الدكتورةسامية السنافي” حييل طيوبة و اسلووبهاا واايد حلو مع البنات
الدكتورة”الاءالنجار” حييل طيبة وبعد في واايد زيينين و موو زينين و مشكوورين حبايبي على صراحتكم 🙂 🙂
السلام علكم ورحمة الله و بركاتة …
الله يجزاكم خير بنات ماشاللة عليكم و على صراحتكم عيني عليكم باردة 🙂 انا خذيت عند الدكتورة سامية سنافي : ماادري شنو اقول اسلووبهاا واااااايد راقي مع البنات و حيييييل حبوبة و انا صراحتا احبهاا واايد من اسلويهاا و اكيد بنات خذو عندهاا و شافوهاا شنو اسلوب بسم الله علية حيييل حبوبة و هذا رايي في من يأيدني و في من يعارضني بس هذا انا شفتة منهاا…….
و مشكورين و يعطيكم الف الف عاافية:) 🙂
سعاد الشبو ( تطور فكر تربوي )
حدها حدها عسل واسلوبها حلوو ومحاضراتها خفيفه وامتحاناتها سهله
والدرجات ماشالله كلها عاليه
انصحكم تاخذون عندها وما تقصر ويبت عندها A
نايف الدوسري ( كويت وتنميه )
وايد سمعت عنه حجي بس والله مالكم شغل باحد
الي محترم محترم
قعدو سايلنت بالمحاضره ما تشوفون الا كل خير
دقيق بالحضور والغياب وايد بس امتحاناته سهله ماي ماي والكتاب ما نعترف فيه بس الي ينقلنا اياه نحفظه
ويبت عنده A
بنات بليييز نبي شي عن دكاترة الفنيه
قووه بنات شلونكم شخباركم 🙂
بنات ما عليكم امر أبي دكاتره المكتبات محد ذكر شي تكفون بنات قبل السحب والاضافه ..
وأشكرج شكر خاص يا {{ مطيريه ماركه }} والله يجعلها في ميزان حسناتج ..
تقبلي ودي لج
السلام عليكم انا بالسنه الثانيه في الكليه تخصص رياض اطفال وحبيت افيدكم بالدكاتره الي كنت ماخذه عندهم ….
سعاد الشبو : (علم النفس) دكتوره قمه قمه قمه في الرووووووووووووووعه وااااي عسل ماكو مثلها شرحها حلو وايد واسلوبها مع الطالبات ينن وامتحاناتها التيرم والفاينل سهل حييييييييل وتقولج عن المقالي الي بتحطه بالامتحان واذا ابي اتكلم عنها زياده ماراح اخلص لانها صح عسسسسل انصحكم تاخذون عندهاا
محمد الحمصي: (تدريبات لغويه ) حبووب واسلوبه مع البنات زين وشرحه حلو تفهمين منه ولو كنتي غبيه هههه اذا مثلي بالعربي وامتحانه زيين مو صعب ولا سهل والغياب مهم جدا عنده وياويلج اذا تاخرتي بس مرات ع حسب المزاج يسامح على التاخير و بالاخير زيييين
مهدي العجمي ( الكويت والتنميه) اهم شي الحظور وامتحانه سهل صح وخطا وكله بالكتاب ماكو شي من عنده ولا عليج تقرير ولا شي اسلوبه حلو ومحترم
اسامه عبدالكريم الكندري ( ثقافه اسلاميه ) مادري شقول وااااااااااااااااااااااايد ززييين وامتحاناته سهله واسلوبه حلوو ومحترم جدا عليه شرح تندمجين معاه حييل الاختصار انصحكم تاخذون عنده بدون كلااام وانتي مغممممممممممممضه
يوسف الرجيب ( علم النفس )وع وع وع وع وع وع وع من صج وع الشرح مادري شنو يشرح كانه يسولف على نفسه وكتابه معتفس فوق تحت امبيه تحاولين تاخذين معلومه من الشرح الي يقوله بس ماكو الكلام ع بعضه ومراات مايكمل يطلع بشرح ثااني واااي فضيع وامتحانه ابصراحه مادري عنه ماقدرت اتحمله انا ورفيجاتي 4 سحبنا الماده وعععع
حسن الموسوي (الارشاد) اسلوبه وشرحه حلو وايد وتدرسين من مذكره ملخصه وحلوه وسهله وامتحانه عسسسسل ويبي دراسه حاله والشرح ع راحتج للي تبي درجات
سميره المذكوري (مشكلات الطفوله) عسل عسسسسل عسسسل تهبل الشرح حلو والاسلوب عسل والمتحان سهل حييل,,, تبيج تشرحيين كل شيي وتطلب منج بحث انصحكم حيل فيها
حبيت اسأل عن الكتور راكان المطيري الحضارة العربية الإسلامية عن شرحه واسلوبه وكم يعطي يعني A B ولا يخفس ؟!
وشاكرتلكم ع الموقع..
بناات شرايكم عائشه البديوي هندسه تحليليه نستويه ؟؟
بنااااااااات بليييز ابي راكان المطيري وفتحي عبده انا مستجده وجدولي ثابت وحيل خوفوني منهم
السلام عليكم بنات
عفية منو احسن
مشاري الحسيني او د عروب القطان
وشكرا
راح اتكلم عن الدكاتره الي خذيت عندهم صيفي 😀
دكتور وليد الحمد (تجويد1)كلمه عجيييييييب شويه عليه صراحه خوووش دكتوور يسااعد لي ابعد الحدوود ويساامح ويقدر طيب حيييل ويعطي درجات ما يبخل عليج وكان دايما يقول لنا الي تنجح باللجنه معناه ناجحه عندي وصج الي نجحو باللجنه انجحو عنده وانا منهم خذيت عنده بي ماينس وصراحه التجويد بالصيفي ما يتعب عادي وجزء عمه سسسسسهل راح تحفظينه بسرعه
دكتوره نوره محارب (تفسير 2) تحفظين سوره الاحزاب عليها 10 درجات الامتحان 30 درجه يوميا تاخذ الغياب امتحاناتها يعني مو سهله حييل ولا صعبه لازم تدرسين عددددل لها خذيت عندها بي
ولي رجعه ان شاء الله 🙂
السلآم عليكم يا بنات آحلى كلية
بقولكم عن الدكاتره اللي تعاملة وياهم
1 – الدكتور عيدالهيم > (مناهج بحث)
رووووووووعه بمعنى الكلمه اخذي عنده وانتي مغمضه حيل يساعد ومحاضرته حلوه وامتحاناته سهله حييل اختياري و مقالي
2 – اسامه عبدالرحيم > (ثقافة اسلاميه)
الله يوفقه هالدكتور روعه بمعنى الكلمه وطيبوب وماودج المحاضره تخلص امتحاناته سهله ولازم تكبين كل شي قاله بالمحاضره لانه يجي الامتحان منه يعني كتبي الكلام اللي يقوله يابنات
وكميته شويه الله يوفقه يارب
3 – كاظم ابل (برامج اعلاميه )صج انه كميه ويبيله دراسه بس الدكتور عسل ويساعد وروحي وكلميه يرفعج يطلب تقرير ويحاسب على الغياب لازم تكونين ملتزمه ولا لاتاخذين عنده
4 – شذى الماااص ( تربية موسيقيه ) تهبل تهبل تهبل بنات انصحكم اخذو عندهاااا ياحلوها اغلب المحاضرات غايبه واغلب الشعبه a وتقولج شنو يجي بالامتحان وربي احلى دكتوره مرت علي
اتمنى اكون فدكم
مطمط هاتي راسج ابوسه ياعل الله يحفظج يابنت بلاج مدري شسوي ياعسى الله يوفقج وين مارحتي ويفتحها عليج يالغاليه ياحبني لج فديت قلبج انا
السلام عليكم
يعطييييييييييييييكم الله عافيه الله يجزاكم الجنه
وليد العنجري _ سيرة الرسوول صلى الله وعليه وسلم
شرايكم فيه بنات ؟؟
السلام عليكم
ابي اعرف رايكم بالدكتور فهد الظفيري؟؟
والدكتور يحيى ..؟ والدكتور خالد جمعه..؟ والدكتور وليدي العنجري؟
غموض فهد الظفيري ما اعرفه ولا دكتور يحيى 😀
الي اعرفه خالد جمعه وكاتبه فوق عنه اقرى ردود البنات شارحين عنه بالتفصيل
ليد العنجري والله سمعت بنات ما يمدحوووونه 😦
بنات شرايكم بزايد العازمي
وشرايكم بماده ايات لاحكام واحاديثها
صعبه او سهله
عمر الكندري..؟
اممم بنات شرايكم ب الدكتور وليد الكندري
والدكتور مد الله سويدان العنزي<<شلون شرحه وصج اللي سمعته انه حلو
<<فاضيه حدي هههههههه
قوة بنات بسالكم
عن وليد الكندري طرق تدريس عربي
الدكتور مشاري الحسيني : بـنـات مـا أنـصـح فـيـه نـهـاااااااااااااااااااااااااااااااائي والله انا كرهت نفسي يوم اخذت عنده و بسحب ماني مكمله
بس الموضوع باين من عنوانه اللي اقدر اصرّح فيه ان الدكتور عنده تفرقه بين الطالبات و باقي الشغلات احتفظ فيها لنفسي
و انتوا شحقه تآخذون عنده اذا المادة عامة مو مضطرين تستعجلون عليها اتوقع
الدكتور يحيى مير علم : هالدكتور حده عجيب يفهم اللي ما يفهم و عنده عداله و امتحاناته بمستوى الطالب
و يتدرج بصعوبتها يعني الميدتيرم الأول وايد سهل الثاني شوي اصعب الفاينل اصعب حبتين لكن كلهم على بعضهم في قمة السهولة
خصوصاً انكم بتكونون فاهمين
و الحضور و الغياب ما عليه درجات
و الدكتور يقدر البنت الملتزمة
انا اخذت عنده امتياز
بنات شرايكم د. آمنه اليمن لغة انجليزيه
بقيت اسالكم عن دكتور وليد العنجرى شرايكم فييه؟؟ وعبدالله حسن بعد
دكتوور عبدالله حسن
دكتور مدالله سويدان خذيت عنده طرق تدريس ومناهج هالدكتور مو طبييعي
شكري ابراهيم عن نفسي كلش ماتفاهمت معاه احس لو الماده سهله غصب يبي يصعبها والاسئله اللي يابها بالميد اهي نفسها يابها بالفاينل لييش يعني .؟؟
خالد الصافي يحب البنت اللي اتابع دجاتها معاه
وتناقشه
عيد الهيم محاضرته ممله ووايد يتكلم بس بالدرجات والامتحانات نامي متطمنه
نبيله المدلج ممتااااااازه محاضرتها عسل وساعات تعطيكم امتحانات اوبن بوك بس ماتسامح بالغياب
عبدالله حسسن ماانصحج فيه كلش .. وتوزيع درجاته حدهاا غلط انا ماخذه عنده ثقافه تخيلي يقول كل الشواهد حفظ وهم واجد بختصار مانصحج فيه كلش كلش كلش
مرحبابنات شلونكم,تكفون اذااحد فيكم يعرف او اخذ عند دكتوره سوسن التركيت شلون اسئلتهاوتعطيAتكفون جاوبوني امتحاني الاحد بلييييييييييز
دكتورة سوسن التركيت اذا كنتي رياض اطفال (مواد رياض اطفال) اخذي عندها غيره لا تاخذين لأنها مو منصفة بالدرجات الله يسامحهاااا
مرحبا شلونكم انا تخصصي علوم مكتبات ومعلومات منو الدكاتره الي اخذتم عندهم وتنصحوني فيهم غيير سميرحسين طبعا لاني جربته
يحي حبلوش. مو صاحب كلامه وقح يسقط و يحقد علي تخصصات الموسيقي و الفنيه و البدنيه بصراحه ما انصحكم تاخذون عنده حده مو شي اخذو عند اسامه الكندري و وليد البذال خوش دكاتده للثقافه الاسلاميه . باي بالتوفيق..
مرحبا بنات .. راح اتكلم عن دكاتره الي خذيت عندهم الكورس الي طاف وياليت ما ننسى المدونه ونكتب فيها عشان تكون خوش مرجع 🙂
احمد الجمل ماده[علوم القران الكريم]دكتور حقاني يطلب منكم بحث من 5 مراجع عليه 5 درجات ويعطيكم امتحانين واذا ماجبتي درجه زينه بواحد منهم يعيده لج ومعروف عنه انه الامتحانات الي يعيدها نفس الاسئله بالضبط الي امتحنتيها بالاول يعني ما يغير الامتحان 🙂 واصلا الماده صعبببه يهتم بالحضور والغياب لازم داومي عنده لانه الماده ماراح تقدرين تفهمينها من غير شرح وطريقه امتحاناته هو نظام يعطيج العنوان وانتي اكتبي كل شي تعرفينه يعني لازم تصمين الكتاب صم تحفظييييييييييين يحب الي تكتبله وااااااجد ما يحب الاختصار ولازم لازم تكتبين ادله اشرحي قد ما تقدرين
محمد الشطي [ حديث النبوي شريف ] احلى دكتور يعطي هل ماده رووووووووعه يهبل امتحاناته نفسسسه سهله وحيل سهل علينا الماده وياحليله كل ما نحن عليه ونقوله خفف دكتور الغي ويغلي معانا بالمختصر دكتور يهبل وحتى اذا غبتي وقلتي له سبب الغياب بدون طبيه يمسح غيابج وعادي يعطي مؤجل للي يغيبون وقدر الظروف
زايد العازمي [أيات واحكام ] خوش دكتور والله حيل يتجاووز بالتصحيح وعطانا امتحان واحد بس يحاسب ع حضور والغياب عليه 10 درجات وامتحاناته سهله
مير علم [ نحووصرف1]صراحه اقولها لكم الي مو ذاك الزوود بالقواعد لاتاخذ عنددددددده يعني الي ميح بالقواعد ما انصحها فيه صراحه ما يزيدج ولا نص درجه حقج يعطيج ياه بالكامل ومايغيب كلش على اخر كوورس قبل الفاينل باسبوع لما خصلو كل دكاتره المناهج الاهو ماغاب وقال في شرح
انصدمنا اخر شي اتفقو البنات انهم كلهم يغيبون وفعلاا الكل غاب وما شرح ههههههههههه عطانا امتحانانين اغلبهم يعتمدون على القواعد الي قبل ايام ثانوي
محمد نعناع [قــصه] صراحه خوش دكتور يساعد ويعطي درجات وعطانا بحث وامتحانين امتحاناته سهله اصلا الماده سخيفه وتضمنين الاي ان شاء الله
احمد العلى [ ادب اموي ] الماده تخرع وعند هدكتور بعد لووول صراحه دكتور شديد بمعني الكلمه الي تجي ورا برا طبعا يحاسب ع الغياب وعطانا امتحانين كل شي بالكتاب حفظ ويبي الاجابه بالنص مثل ماهي بالكتاب عطانا13 بيت حفظ عليها 10 درجات يعني الي ماتشد حليها وتدرس قبل الامتحان بالسبوع وماتغيب عنده ما تعدي الماده بسسهوله
شاهه الحطاب [ اشغال ابره ] خوش دكتوره والله كل شي عندها عملي الماده ممتعه بصراحه وسهله وتضمنين الاي بسسسسسسسسسسهوله
وبالتوفيق للجميع 🙂
بنات حبايبي محد تكلم عن الاقتصاد المنزلي
وحبيت اسالكم عن بدريه الياقوت الكويت والتنميه
ومنال الديحاني مناهج بحث
وابتسام عقيل مناهج
مساعدتكم تهمني ..؟
د.راشد الصانع كويت وتمنيه
سجلت عنده وببالي أسحبها
بس اللي ماخذه عنده يالييييت تفيدني
يعطيكم الف عافيه ولي باك ان شاء الله
قوووة بنات
بليز انا اخذت عند دكاترة وودي اعرف عنهم ,, ابي اعرف شلون طريقة امتحانات كل دكتور وشرحه شلونه !
د.شعاع ( مقدمة في البنى الجبرية )
هاجر الدغفق ( الكيمياء العامة )
مشاري الحسيني ( ادارة تربية تعليمية )
أ.المضاحكة ( لغة انجليزية 1 )
يحيى ميرعلم ( تدريبات لغوية )
السلام عليكم…
لو سمحتوا ابيكم تفيدوني بمعلومات عن الدكتوره عروب القطان مناهج بحث والدكتوره الاء النجار انجليزي 1 من ناحيه الكميه توزيع الدرجات وطريقة التعامل …
وشكرا …
السلام عليكم
حبيت اقولكم افضل الدكاتره اللي مرو علي
كليه التربيه الاساسيه
بدر المحيلبي العازمي روعه وقت المحاضره يخلص بسرعه
عبير العميري حاسوب روعه حبوبه
عبدالله العازمي تاخذون عند A بسهوله
سلمان حسن الفيلكاوي كويت و تنميه
مها غنام زينه و متحاناتها موضوعيه
عروب القطان
شرايكم بدكتور جمال الحجي سيكيولوجه نمو وتعلم
زشكرا
بما ان تخصصي علوووم والناس مابقي دكتور عام الا ماقالووه
فابدى بالعلووم
فؤاد شعبان جيولوجيا يهبل شرحه فظيع
امتحانين كل واحد 15 ومو لازم الرحله اذا عندج عذر سوي بحث مومثل الهاام اوووف
منى بوعاصي كيميا عاامه
امتحاانه من المذكره ماتطلع منها تهبل رووعه وتراعي البنااات
وعبد الوهاب يجنن ماخذ عنده مادتين بيلوجيه وعلم نباات
3 امتحانات كيفج تبين تمتحنيننهم كلهم ولا لا
لان ياخذ اعلى امتحانين
ورفعت نسيم ورشه علووم يهبل
كل يووم رزي فيسج عنده واساليه عن المشروووع بالنهايه اي
لاتخافوون لي عووده
مرحباا بنات بالنسبه للتقييم
الدكتور عبدالعزيز الاحمد حرااااام فيه اسم دكتور اولاا كميته كبيره حييييييل وعسر عسر عسر وانسان مايقدر يعني لو تموت الوحده بيقول ليش حبكت ماتموت الا اليوم بنات والله من صجي دكتور في اصول التربيه وهو اصلاا ماعنده اسلووب يعلمنا شلون نربي الاجيال القادمه وهو….استغفر الله نصيحه من قلبي لحد يااخذ عنده
قوه بنوتات
حبيت اقول لكم تجربتي مع الدكاتره
ماادري ليش اغلب الدكاتره اللي قالو لي عنهم البنات زيني بالنسبه لي العكس
عندج خالد الصاقي قبل كان زين بس مدري شفيه تغير حيل هالكورس معطي السكشن اغلبه f والماه ثقافه ونفس الشي محمد الحضرم مااري ليش تغيرو
دكتور وليد الكندري حلو وفيه دكتووره جديده تهبل شوي عليها رضوى فرغلي تعطي مدخل علم النفس
زايد العازمي يهبل
واذا تذكرت برجع لكم
1- الدكتور عبدالرؤوف الكمالي ( ثقافه اسلاميه )
زين وااااايد زين امتحاناته تافهه وايد
صج انه ظلمني بدرجتي المفروض A وكلمته موراضي يوريني امتحاني ولاراضي يسمعني وكله مستعيل
بس والله انه زين ونصيحه اخذوا عنده نصيحححححححه من قلب
محاضرته حلوه سوالفه تونس
2- عبدالمرضي زايد ( الحضاره العربيه الاسلاميه )
محاضرته ممله ممله قبل لاادشها احس تجيني بجيه مالي خلق ملل ساعه ونص مايطلعج قبلها
بس حبوووب ترا لايغركم تخويفه بأول محاضره ترا تخويف بس وامتحاناته حليووووه احسن من غيره
ويساعد وايد
مايحب اللي تدش متاخره يدخل عالمزاج ويطرد عالمزاج ويحذف وايد من الكتاب
زين يعني وايد اللي ماخذه عنده تتطمن
3- راشد الصانع ( كويت وتنميه )
اللي تاخذ عنده تروح تسحب اوراقها من التطبيقي بكبره احسن
اذا بتكلم عنه راح اسبه بصراحه فأفضل اني مااتكلم
كل اللي اقوله تكفوووووووون اترجاكم لاتاخذون ماابيكم تشوفون اللي شفناه
وترا موبس انا عشان ماتقولون صايرلها موقف والله العئيم اني اتكلم بشكل عام
واغلب البنات اللي كانوا معاي مادرسوا لانهم يبون يعيدون الماده عند واحد غيره ورواحوا شوفوا نتايج البنات عنده الاغلبيه F و D واذا كلش يبي يتكرم على البنات عطاهم C-
نصيحه لحد ياخذ عنده
4- منى الجناعي (مدخل علم نفس )
تهبل عسل اسلووووب ولااروع امتحاناتها كله موضوعي رووووعه عسووووووله حدها
ترفع بالدرجات بشكل مووووووووووووووصج
انا من سي ماينس عطتني سي بلس
الله يجزاها خيرررررر ياااارب وبوفقها وين ماراحت
5- حمود العنزي ( خط عربي )
زين وعاديه الماده سهله ومحاضرته حلوووه واهوا زين بعد
بس امتحان الفاينل ماعجبني
تخيلوا ثمان جمل وعشر كلمات معطينا بس اربع صفحات نكتب فيها ومايقبل اوراق خارجيه
يعني تكتبين الكلام وحتى لو انج غلطتي مالج مجال تصححين وانا هني حدي طفرت بصراحه
بس بشكل عام زين والله
6- عادل الصراف ( نحو 1 )
امتحاناته سخيفه رووعه
واللي يكتبه بالمحاضره اكتبيه معاه
واحفظيه وبس
ثانكس عالمدونه
السلام عليكم …
شلونكم بنات ؟
انا سجلت للكورس الياي واتمنى انكم تفيدوني بالدكاترة …
فاطمة العازمي – علم اللغة العام
عائشة الانصاري – نحو 2
تربية صحية – حسين المطيري
الطهي وفنونه – فاطمة سفر خداده
تطور الفكر التربوي الاسلامي – بدر العازمي
لغة انجليزية – الاء النجار
السلام عليكم يعطيكم العافيه بس حبيت لو تفيدوني لاني مستجده وتخصصي لغه عربيه فابي الدكاتره الزينين من ناحيه الاسلوب والدرجات وشلون توزيع الدرجات عندهم ومشكورين
يعطيكم العافيه بنات
انا تخصصي تصميم داخلي راح اقولكم الدكاتره اللي مرو علي معنكم ماقصرتوو
1- قراءات واساليب(نعناع) زين وحييل مسهل الماده احسن من غيره بس حييل ممله المحاظره وغصب تنامين بس سهله امتحاناته يعيطج اللي بالنوت بس انا صراحه مادرست ولا السكشن شكثر جايبين A
2- عبيد الشمري(مناهج) حيييل حييل زين انصحكم فيه لاطوفونه شرحه مو ذاك بس حيل طيب ويقدر انا بدعت بالمدتيرم وقالي عيديه وساعدنا الله يوفقه
3- فوزي بوفرسن(طرق تدريس اجتماعيات) شكله حبوب وكلا يسولف وتحسين انج بتاخذين A بس تنصدمين بالقريد مانصحكم فيه ابدًا
4-مهدي العجمي(كويت وتنميه) والله يابنات كنت ماخذتها عند سلمان حسين يمه بغيت اموت الماده دسمه ومو حاذف شي لاطوفون مهدي وسهله امتحاناته دايركت من الكتاب وتتضمنين A
5-راكان المطيري(حضاره عربيه اسلاميه)رعب وان دش تطلعين برا ويما انطرت بس يساعد رفع السكشن 10 درجات اهو رعب اي والماده دسمه بعد امتحانه مقالي 20 و20 نقاط خمس اسئله بس يعطي انذار عالغياب فالتزمو عنده
6-شكري ابراهيم(ثقافة اسلاميه)حييييل ممتاز الدكتور وطيب ويساعد الله يذكره بالخير
7-سعاد الشبو(مناهج بحث+تطور فكر تربوي) حييل ممتازه الدكتوره وراقيه وتتفهم وتساعد قبل كانت تاخذ بحث الحين خلت برزنتيشن توقفين وتتكلمين بس كلنا بي ماكو اقل
8-محسن الصالحي(تطورفكرتربوي)هالدكتور حرام تطلعين من الكليه ماخذيتي عنده ونيسس ويساعد ويرفعج الله يوفقه
9-عبدالله العازمي(اصول تربيه)غلطة حياتي خذيت عنده مزاجي ماله خلق يغييييب شكثر بس طريقته يشوف اعلى وحده بالمدتيرم جم اخذت مثلا 35 من 40 يزيدكم 5 ويزيدها اهي احنا حظنا كانت معانا وحده ماخذه 39 وحقدنا عليها بس اللي تغيب تنسى الاي
10-هزاع المرشد(تدريبات لغوييه)يفهمج ويخليج تحلين ويعيد اذا مافهمتي مايغيب ويغني بالامتحان هههه وشغال بتويتر ويقدر الظروف ويقول اعطي واعطي بس صراحه مارفعنا كلش كل وحده عطاها حقها وبس وبنات كان يضحك معاهم عبالها بس ماخذين A وسوالف وتخلص محاظره يروحون المكتب سقطهم انصحكم بيحيى مير علم رفيجتي اخذت اي بدون تعب
الحيين بقولكم عن تخصصي
1-محمد سمك(رسم هندسي)اروع دكتور مر علي عجييب حرام يطووف
2-يوسف التركيت(نظرية لون+تصميم اعلان+تصميم جداريات) مع انه كبير وتنادينه مايسمعج لازم تصرخين بالكلاس هههه بس ماينسى يقيم على شغلج يمسك اللوحه ويحط درجتج اللي تستاهلينها الحلو فيه ان يودي رحلات افنيوزمقرر جداريات جنه بس اخذوها الصبح لان الكليه اطلع رحلات بس صبح ونظامه يقعد بكافيه ويقوول فروو انتو ;p
3-رضا عامر(تحليل رسوم اطفال)يطلب بحث رسمه قصه ويحدد عمر الطفل اللي ترسمونه والفاينل مايمر يمج يقعد عالكرسي يعني اخذي راحتج بالحل عساس لايربك الواحد واهو يحل
4-عصام عرفه(نقد وتذوق فني)هذا ستايله بروحه سالفه نظارة الوليد بن طلال وبنطلون شارلستون بس الماده اتفلسفي واهو مايركز يعني لاخلصت المحاظره يقول منو شارك انتي تنصدمين البنات نايمين ورافعين ايدينهم لوول البحث لاتسوين اتفقي مع رفيجتج قطيه لان اهو يشوف ويحط صح على الاسم فا يشوفها وانتي عكسي الاوراق واهوا ماينتبه الكتاب نصيحه لاتشترونه مايبطله كلش كلش بس تعريف واحد وعادي نقلوه الفاينل يمتحن شعبتين وزحمه يدنيا زحمه هههه ومايمشي بين البنات يقعد عالكرسي
5-زعابي الزعابي(تاريخ فن) انسسسان عجيب محاظرته سوالف وبس يطنز بس عادي اهوا طبعه جذي لاتغيبين وعنده برزنتيشن وامتحاناته اوبن بوك بس هم موسهله يعني لازم تقرين قبل الامتحان مالكم شغل بالمعيده نسره وتخرعكم وتسحب اذا خلص وقت الامتحان بس الشعبا كلها اي وانتي مغمضه
6-نبيل الفيلجاوي(رسم+يعطي فن وحياه) عجييب هالدكتور يمصخر يطنز ويضحك وعادي يقولج شالرسم الخايس بس مايتطوف والاي مضمونه
7-مي العيدان(اسس تصميم)منتدبه وعالمزاج درجاتها وقالت لي انتي بي قلت ليش جان تقول شكلج جذي الله يسامحها
8-علي النجادة(تكنلوجيا خامات) محاظرته طويله يحب الابداع محترم ويطنز ومرات ينكت وتضطرين تضحكين هاها اللي على ملاقه انا احترمه بس في عيب واحد ان اذا عرف مستواج مايغير قريدج بمقرر ثاني حتى لو شديتي حيلج
9-احمد الحلواني(منظور هندسي) عجييب هالدكتور وتكلمينه يرفعج حرام يتطوف حرام
بس هذيل اللي اذكرهم عفيه بنات ذكرو الله (مـاشـاءالله) ترا انا احب اساعدكم لان صج انتو ماقصرتو
اخخخخخخخ ياني فيني حره وابي افضفض هههه
بنات احذركم لاتاخذون عند د.صلاح الثويني لاسباب كثيرة لا يسعني المكان ذكرها
السلام عليكم..
التخصص:لغه عربيه.
مسانداسلاميه؛
مستجده ..
خذيت ٤مواد..
تدريبات لغويه:يحيى مير
علم..
الاسلوب:رااااقي جدآ ومحترم ..ثقااافه ماشاءالله عليه
الشرح:رهيييب تدخل المعلومه تدخل ..
الغياب:يحاسب عليه اذازاد عن الحدود..وربي طيب.
الحضور :لوتحضرين اخردقيقه يسجلج حضور..
الامتحان:سههههههل سهههل سخيييف.اهم شئ تكتبين المحاضرات وياه لان الامتحان من اللي يركزعليه والامثله.اي كلمه يقولها
خزنوهاعندكم..
الثقااافه الاسلاميه
الدكتور:مطرسالم العازمي..
بصراااحه انصحكم تأخذون الماده عنده يراعي ضروف البنات لدرجه خيااليه.
امتحانه:سههههل حييييل
شرحه:راااااائع واكثر …
الغياب:يحاسب عليه .
يحترم البنت المحترمه المحتشمه باللبس..
كلمته:والله انتن نفس عيالي .
اسأل الله له التوفيق
واسأل الله تعالى ان يجمعنابه في جنات النعيم.
بصراحه نعم الرجل ..لااله الاالله عليه ..الله يحفظه …ويرزقه من حيث لايحتسب..
الخط العربي.
حمودجلوي
طبعآ الماده محتكرها
الامتحان اربع جمل ودقيق حييل بالتصحيح..
الله يستر ويسهلها يااارب
وييسرامورنا مانبي الاالنجاح
هههههه
اصول تربيه.
عبدالله الغبيشان العازمي.
المحاضره٧دقايق واهم شئ الحضور مهههههههههم حيييييييل
يعطي حرمان
امتحانه كله صح وخطأ
سهل بس يبيبله دراسه بتركيييز
الله يسهلهايااارب
ادعولي بالتوفيق واحول تربيه اسلاميه حلم حياتي ياااارب..
سبحانك اللهم وبحمدك اشهدان لااله الاانت استغفرك واتوب اليك
بنات بغيت أسأل عن أحسن الدكاترة لمواد التخصص حاسوب …
السلام عليكم و رحمة الله و بركاته
من زمان و آنا أستفيد من هالمدونة فحبيت أكتب عن كل دكتور مر علي بالكلية و إنشالله أفيدكم مثل ما أفدتوني
ملاحظة: في مواد ماراح أذكرها لأني عادلتها من الجامعة
قراءات و أساليب (عباس الحداد) = الدكتور شرحه حلو و يختار أربع مواضيع (آية-شعر-مسرحية- و آخر شي ما أذكره) تقسيم درجاته 30 على امتحان واحد و 50 فاينل و الباجي حضور و غياب و مشاركة، امتحاناته خلط بين الموضوعي و المقالي و اللي تدرس من مذكرته تييب الA إنشالله، مشكلته إذا لقط البنت و اهي سرحانة يفحمها بسؤال و يوهقها و زعول حيل، بس يهبل درجاته تينن. (المذكرة إهوا يحطها و يقولكم اخذوها)
الحضارة العربية الإسلامية (نواف الجحمة) = الدكتور شرحه نصه معلومات خارج المقرر يعني تستفيدين بمعلومات عامة، بس باختصار منهجه بس مدخل و فصلين و يعتمد على دراستج للمقرر لأنه كله حفظ، امتحانه الأول عليه 35 درجة و موضوعي، الفاينل 50 و أغلبه موضوعي و 5 أسئلة مقالية عبارة عن نقاط، الدكتور يشدد على الحضور و الغياب و يساعدج إذا كنتي ملتزمة. (المذكرة موجودة بتصوير الفرع بس قوليله مذكرة نواف الجحمة)
الكويت و التنمية (مهدي العجمي) = دكتور روعة شرحه وافي و يدش بمخج غصب، يشرح أربع فصول بس و امتحانه صح و غلط ، الأول عليه 30 و الفاينل 50، نظامه يشرح و يخلي البنات يقرون من الكتاب و يعلق، واللي تبي قريد حلو لا تغيب نهائي ولا تتأخر “هالدكتور بالذاااات”. (الكتاب تلقونه بمكتبة الطالب بالفيحة اسمه “الكويت و مسيرتها التنموية”).
تدريبات لغوية (عائشة الأنصاري) = دكتورة عسولة و شرحها توب تعلمج من يد و يديد، تقسيم درجاتها 40 مدتيرم و الفاينل 50 ، مالها مذكرة و اللي عليج تسوينه تكتبين معاها بالدفتر، أمتحانها واحد منهم إعراب كامل و الثاني تحط فقرة أو آية و تطلب منج تطلعين منها شغلات و حسب مرة تحط هذا أول أو تحط الثاني أول. (يبي دفتر و كتبي وراها).
إنجليزي 2 (عائشة المطوع) = الدكتورة أول يوم شوي نفسية بس الحلو فيها تقولج شنو بالامتحان، و تغيب واااايد غابت معاي 9 محاضرات، غير انها تتأخر و تطلع مبجر، غير إنه كميتها ولا شي مقارنة بالباجي، فوق هذا سوت معانا حركة بيوم ثاني مدتيرم قالت اللي حاضرين فول مارك!!، و تسوي كيرف على أعلى وحدة بالكلاس، أقل درجة عندنا كانت B ، بنات لا تطوفونها، توزيع درجاتها 20 امتحان أول و 20 للثاني و 10 حضور و امتحانات قصيرة و 50 فاينل. (في كتاب اسمه nucleus و مذكرة باسمها )
أشغال ابرة (شاهة الحطاب) = الدكتورة شديدة شوي ما تطلعين إلا مخلصة غرزج جدامها، تعطي 5 إلى 6 غرز، و تسوين مشروع نقشة أو ديزاين و تطرزينه، بس المادة حلوة إذا بتتعلمين شي بالخياطة، بالنهاية أخذت درجتي اللي أبيها A (مذكرة باسمها ).
ميكانيكا سيارات (السيد الليموني) = الدكتور يهبل و شرحه حلو المذكرة إهوا مصور حق الشعبة كلها و يوزعها “يحليله كريم”، امتحانه موضوعي و الفاينل موضوعي و فيه رسمتين بونس، غير انه يعطيج بحث بونس، يعني المادة سخيفة و صغيرة و ما تحسين فيها، إذا تسوقين راح تعرفين شقاعد يقول (المذكرة منه).
المكتبة و استخداماتها (سليمان الحسن) = الدكتور ما يشرح وايد و مذكرته حيييل صغيرة و المقرر سهل حيل بس المشكلة انه يطلب منج كل اسبوع تسوين شغله “تكتبين تقارير من صفحتين إلى 8 صفحات حسب ما إهوا يطلب” (المذكرة بمكتبة الطالب).
التربية الأسرية (أحمد الكندري) = سامحني يا ربي بس جد جد جد تحسفت قد شعر راسي اني خذيت مادته! المادة كتابين و الامتحان موضوعي بمقالي بس فيج خير يبي درجة كاملة، الفاينل ما فهمنا شموضوعه، و شرحه زين بس تضيعين لأنه كتابين، المادة غثيثة و ما أنصح فيها. (كتابين و يبيعهم بالفرع إذا نزل المادة و كل كتاب بالشيء الفلاني).
الكيمياء العامة (نبيلة الزامل): الدكتورة عسل شرحها بسيييييط حيييل ما تشرحلج كل المنهج أشياء معينة بس، و امتحاناتها مطشرة عند البنات، تعطي 4 امتحانات كل امتحان عليه 10 درجات، يعني ما تضيع درجتج لو شنو، الامتحانات متنوعة مرة مقالي و مرة موضوعي، الفاينل عليه 40 درجة و موضوعي “اختاري الإجابة الصحيحة”. (الكتاب لونه اسود اسمه الكيمياء العامة و قيمته دينار 😛 و العملي مذكرته ضعيفة موجودة بمركز الطالب)
أساسيات علم النبات (رقية جاسم) = على أيامي الدكتورة إنحاشي منها، بس ألحين أشوف الكل يمدحها، حتى درجاتها صارت تينن ماشالله “سبحان الله مغير الأحوال”، مادة أساسيات غثيثة كلها خلايا و انواعها و انسجة و لوية، المختبر حده خااااايس الله يعينكم كله شرايح ما تقدرين تفرقين بينهم و النباتات إذا الاستاذة ما شرحتلج بتتوهقين بالوصف، المادة دسمة يبيلها همة (كتاب قيمته دينار اسمه اساسيات نبات و العملي له كتاب و اثنينهم بمكتبة الطالب).
كيمياء فيزيائية (منى أبو عاصي):فديييييتهااا والله عسل مذكرتها شاملة و لو تقرين تفهمين شالمطلوب، و حاطة بنهاية كل فصل أسئلة صح و غلط و أسئلة مقالية منها عللي و مسائل، الامتحان سهل الفصلية مقالية و موضوعية و النهائي موضوعي و حيل سهل، المختبر كله كيمياء عيارية و حيل سهل (مذكرتها بمركز التصوير و العملي تييبين له دفتر و تكتبين مع المعيدة ).
جيولوجيا اقتصادية + جيولوجيا بيئية (إلهام اللنقاوي) = البنات حيييييل ظالمينها هالدكتورة عسل عسل عسل تحب النظام و وقت الرحلات تحب الالتزام، يعني البنات ناقدين إنها تزف، إهيا تقول تعالوا بجوتي “تكرمون” مو خام، عشان لا يتدمر و تقول لبسوا بنطلون تحت العباة كله عشانا، يعني شلون تخلي بنت لابسة فلات ولا كعب تركب و تروح برحلة بنمشي بصحرا ولا بماي هم بالعقل ما تدش، تقسيم درجاتها متنوع غير البونس غير درجات من عندها، يعني تقرير الرحلة و الرحلة نفسها، امتحاناتها 70% موضوعي و الباجي مقالي، المادتين مو بذيك الصعوبة، و السلايدات ملوتها موجودين بموقعها يعني معطيتنا الخيط و المخيط (مذكراتها بمركز التصوير و العملي نفس الشي).
تصنيف عالم النبات (فائقة الجعلي) = شهادتي بهالانسانة مجروحة, تراعي الظروووف و تصير كأنها أمج، شرحها روعة و تخطط معاج بالكلمة و السطر و الفقرة و كل شي، امتحانها موضوعي و مقالي، المادة دسمة و أكثر شي يخربط المقارنة، و تصليحها دقيق، بس الحلو إذا يبتي أقل من 8 من 20 بالامتحان تعيده لج، و قبل ما ترصد ترفع البنات، اللي عندها أي مشكلة تكلمها و انشالله تراعيج (الكتاب و العملي اثنينهم بمكتبة الطالب).
بيولوجية الانسان (رنا العوضي) = شرحها سلايدات و منهجها من الكتاب و تعطيج أوراق زيادة، تقريباً 6 أو 7 أوراق، أمتحانها موضوعي سهل و المقالي صعب حيييييييييييييييييييييييييييييييييييييييل…يعني تييبلج هالانسان مرض و الثاني مات و الثالث بالمشرحة و تتوهقين بالاجابة…درجاتنا كانت زفت عندها، بس ترفع قريد أو قريدين، بس هم ما انصح فيها و اللي تبي هالمادة تاخذها عند لطيفة الرخيص الكل يمدحها لأنها بعد تشرح من مذكرة 60 ورقة و بس. (الكتاب بمكتبة الطالب و العملي مذكرة بمركز التصوير).
ورشة علوم + كيمياء في حياتنا (عماد الدين البلعا) = هالمادة أساساً حق مشاريع تحضرين بس جم يوم و الباجي تقزرينها على المشروع، و الدكتور عسل يراعي لي كلمتيه ما يرضى أحد ياخذ F عنده لأنه المادة ما تستاهل صراحة، و كل الدرجة على المشروع لا في امتحان ولا شي، اما بالنسبة حق كيمياء في حياتنا المادة حلوة و تستفيدين منها حيل، الدكتور عمره ما خلص المنهج اللي يبي يمشي فيه، المادة سهلة حيل و العملي مالها حلو، مشكلتها فيها معادلات كيميائية وايد ما تدرين شتحفظين و شتخلين (المذكرة الدكتور يوزع جزء و يقولكم صوروه و العملي له مذكرة بمركز التصوير).
التطفل و الطفيليات (نادية مراد) = أستغفر الله .. المادة ثقيلة حيل و الدكتورة بس تقرا من سلايداتها و تمشي، المادة وييييييييييييييييييييييييييييييع و المذكرة متينة صج محذوف منها و الكمية المطلوبة ما تطلع نصها بس هم صعبة يا جماعة! و الدكتورة امحانها صعب يايبتلنا بيض الدود و تقول هذي بيضة منو @@ آ نا شكوووو بولدهااا آنا؟! المهم درجاتنا تلوع الجبد و نصنا ساحبين، اللي تبي تاخذ هالمادة تاخذها بروحها او ويا مادة وحدة سهلة بالصيفي لانه المادة غثيثة! و قد أعذر من أنذر (المذكرة تشترينها من صوب مكتبة دار العلم اللي قبال التجاري بسطرة بوابة الهدايا و العملي ورقة تصورينها 25 نسخة و بس ترسمين فيها و تكتبين التصنيف).
مقدمة في تكنلوجيا التعلم (خالد المريفع) = الله يعطييه على قد نيته هالدكتوووور رووووعة شوية عليه، مذكرته ضعيفة و اللي امتحنتي فيه بالمدتيرم ما تمتحنين فيه بالفاينل، 40 على الامتحان الأول و 50 الفاينل و 10 الحضور، امتحانه موضوعي و سهل حييييل و ما يطلب لا تقرير ولا شي مو نفس باجي الدكاترة (مذكرته كل كورس غير و ينزلها بمركز الطالب اللي بلمحق واحد).
أصول التربية + إدارة تربوية تعليمية (عبدالعزيز الأحمد) = الدكتور يهبل اسلوبه راقي و شرحه يهبل و امتحانه أغلبه موضوعي و سؤالين أو سؤال مقالي، يطلب تقرير أو نقد أو تلخيص حق كتابه الثاني بالنسبة حق أصول تربية، كميته نوعاً ما كبيرة بس ماكو شي اسمه بين السطور هذا الحلو فيه، و الA بيدج لي آخر لحظة حتى و انتي بالفاينل اذا يبتي 45 من 50 و مزفتة بالباجي بتاخذين A و يراعي البنات و لو عندج أي مشكلة الدكتور صدره رحب و يحب يسمع “لأنه هم مسؤول بالإرشاد فهذي نوعاً ما هم وظيفه”( أصول له كتابين و الادارة متاب واحد و كلهم بمكتبة الطالب)
تطور الفكر التربوي (غانم الشاهين) = الدكتور نكتة و ضغيييط، باختصار 20 درجة على أسئلة بنهاية الكتاب إهوا يحدد متى تحلين كل واحد، و 10 على المشاركة اللي اهي انج تحضرين على ورقة اللي بناخذه المحاضرة الياية، و 20 على امتحان 5 أسئلة اختاري و 10 صح و غلط و 5 تعاريف و سؤالين أو 3 مقالي كله نقاط “تكتبين 5 نقاط مو اكثر”، امتحانه الاول شوي صعب بس الفاينل سهل حييييييييل و تييبين فيه درجات، الفاينل يا نه يكون نفس نظام الاول او يكون 50 سؤال صح و خطأ و حده سهل و مباشر (كتابه بمكتبة الطالب او الدار الأكاديمية اللي بمجمع منيرة).
طرق تدريس رياضيات (فوزي الدوخي) = أكثر مقرر تعبت فيه و استانست فيه و تعلمت فيه و استفدت حيل منه، درجاته كله على مشروع كبير “شرح درس” و مشروع صغير “تحضير درس” و مجاميع مرة تكتبون عن طريقة تدريس و مرة تسوون بور بوينت عن أسئلة تحلونها جدامه تكونين يايبة كتب و نت و مصادر معاج و تسوين كل شي جدامه حيل وناسة و الفاينل برشامة عودة انتي تسوينها و تدبسينها مع ورقة امتحانج “ماراح تحتاجينها بس يبي يشوف طريقة البنات بالتلخيص و اخذ المعلومات، (كتابه موجود بمكتبة الطالب و يفضل تييبين دفتر و تكتبين معاه أحسن).
تطور الفكر التربوي الإسلامي (بدر المحيلبي)= دكتور يهبل شرحه ينن و كتابه حلو و يحددلج كل نقطة معاج و كميته شوية ما تييب صفحتين A4 و امتحانه موضوعي اكملي الفراغ و اختاري و غيره، يهتم بالحضور و الغياب، بس المادة سهلة من الآخر (كتابه موجود بمكتبة الطالب).
طرق تدريس العلوم (مشاعل العبيد)= الدكتورة درجاتها تينن و طريقتها حلوة إنج تسوين بحث متكاااامل نفس اللي خذيناه بمناهج بحث، و امتحانها الاول كان 10 نقاط أهداف تدريس العلوم و الفاينل من البحوث اللي سووها البنات نقت اللي تبيه و خلتنا ندرسله، امتحانها كان صعب شوي غير انه قوعنا بالبحث مالها و على عصبيتها قلنا إذا طلعنا بD زين، بس الصدمة إنه أغلبيتنا A بالنهاية (لا كتاب ولا مذكرة بحثج و بحوث باجي المجاميع و بس).
الصحة النفسية (حسن الموسوي) = شرحه توب و المذكرة تهبل و المادة حيييل سخيفة و امتحاناته سهلة أول واحد كان نقاط و موضوعي و الثاني كله تعاريف و الفاينل كان نقاط بس كان في سؤال واحد كان نكتة الموسم و ما عرفنا نحله، بس بشكل عام اللي تدرس تييب الدرجة، الدكتور ما يرفع و يعطيج حقج و بس ماكو زود(مذكرة ضعيفة موجودة بالتصوير).
رياضيات ابتدائية 1(مشهور بن عطا) = شرح ولا أروع هالدكتور تحفة يراجع قبل الامتحان بيوم و امتحانه سهل من اللي يشرحه ولا يدش بالكتاب إلا عشان الامثلة، بس ما يزيد درجات مجهودج إهو اللي تاخذينه بس حيل حيل شرحه وافي (الكتاب باسم محمود ليله موجود بمكتبة الطالب).
هندسة تحليلية مستوية (عائشة البديوي) = هالكتورة حنونة حيل و شرحها توب أحسن شرح مر علي و طريقتها حلوة بالدرجات 20 درجة على امتحان أو و 20 على الثاني و 10 على واجبات و امتحانات قصيرة و 50 فاينل، و اللي ملتزمة بالحضور تراعيها و ترفعها، امتحاناتها فيها أسئلة موضوعية على الامتحان الثاني و الفاينل و في جم سؤال يكونون أفكار بس تكون شارحتهم، اللي تدرس أول بأول تييب الدرجة اللي تبيها (كتابها يديد لونه بنفسجي باسمها و باسم محمود ليله).
حساب التفاضل و التكامل (محمود ليله) = باختصار شرحه بأشياء يفهم و أشياء يضيعج، امتاحاناته بين الصعب و السهل، ما يرضى أي بنت تطلع بF ينجح الكل، شوي يتفلسف و شايف نفسه بس المادة صعبة و خايسة فاللي تبي تاخذها تزهب نفسها إنها تحفظ فصل كامل اسمه الدوال المثلثية و الله يعينكم على المادة (لها كتاب اسمه الحسبان موجود بمكتبة الطالب).
حاسبات الجيب و الإحصاء (حسني عطية) = راح الريال استقال و بآخر كورس له تعدل بس قبلها لا شرح ولا درجات ولا شي و المادة سخيفة ما تستاهل كل هذا بس الحمدالله عديناها.
و إنشالله غذا خلصت من مواد الكورس الياي راح أضيفها إهني و تقبلوا مروري
افضل الدكاتره الي يقدرون الظروف
جمال الغريب
حسين الهدبه
مبارك الذروه
عمار العجمي
خالد المريفع
فهد البناي
بدر الرخيص
خالد شجاع العتيبي
لافي العازمي
سمير يونس
ناصر السهو
عزام العلي
عبدالمراضي زايد
عبيد الشمري
واي دكتور رشيدي او عازمي او عجمي اخذو عنده لان ناس يقدرون الطلبه
لاتاخذون عند المصري او السوري مايقدر ولا يووصل المعلومه عدل
سلام ابي اسال عن الدكتوره منى المسلم ماده المكتبه واستخداماتها
ابي اساال شنو نظامها
بنات بسال عن دكاترة البدنيه
محد منكم تكلم عنهم
بليز الى يعرف عنهم ياليت يفيدني
ممرحبآ بنات بليييزز اللي تصصهها علوم بسألها عن “نبيله الزامل كيميااء عامهه” شلون طريقتهاا وامتحانها مقالي ولا موضووعي .. واللي تخصصها اقتصااد بسألها عن “عادل العنزي” والله يجزاها الف الف خخير اللي بتساعدني وششككراا
تربيه فينه
لي رجعه لكم بالنفصيل الملل
بتكلم عن
زعابي الزعابي
محمد البحيري
وليد العنزي
نبيل الفيلجاوي
عصام عرفه
رضا عامر
علي المسري
ناصر الرفاعي
محمود متولي
عبدالله المهنا
عبدالله الحداد
ناديه جاد
خريبط
فهد الماص
بورسلي
التخصص المساند
حلواني
يوسف التركييت
نوال السنافي
النجاده
سمك
علي شمس
المواد الثانيه
غانم الشاهين
بدر ملك
براك المطيري
مهدي العجمي
علي رجب
زايد العازمي
بهنساوي
ايناس المنيس
بثنيه النجدي
دكتوره نهال
نبيله المدلج
ريم الرشيدي
فاطمه العازمي
عنود الطميان
انعام خضر
الهدبه
وليد الكندري
والاساتذه الي لهم الفض بعد في تخصصي وتخصص المساند الي تاخين علشانهم الماده حتي لو دكتور مو زين
منتهي القطان
لولوه الرفاعي
شيخه المهنا
قدريه عبدالجليل
هدي الهدلق
مكيه (ام حسين السكرتاريه الفنيه تهبل )
في وحده مصريه نسيت اسمها استاذه الفيلجاوي
لي رجعه بالتفصيل وبذمه ولا راح ازيد ولا انقص بشي
اخر سنه وادعووووووولي